 |
Questa pagina è ancora da trascrivere o è incompleta. | |
Il tirann Victor 737
Carschius el clar mattutin,
40 Ruina tiu talent cun sia fin.
Stai si Giadina!
Stai si de Sut e Sursilvan!
Tegn car adina
Tiu plaid roman!
45 La mumma plonscha, audas ti!
Vilenta quella buca pli!
Mo lai siu plaid sincer udir,
Che cuschentava tiu bargir,
Quei plaid migeivel, clar sentir,
50 Che voss dus cors e sperts san entelgir.
Il tirann Victor.
Ballada legiendara.
(Aus dem Calender Romonsch, 1887, p. 39 ff.)
Victor I, preses della Rezia, viveva 600 — 625 suenter Chr., auctur
della mort de s. Placi, avdava tenor la tradiziun per temps en siu casti cul
num de Villingen a Caverdiras u. s. Antoni sper Mustér.
[p. 39] Sil crest de Caverdiras ei stau in vegl casti;
Negin che seregorda gnianc d' ina muschna pli;
La crappa hag' il pievel duvrau de baghiar
Al niebel sogn Antoni in petschen sanctuar.
5 En quei casti avdava 'von varga melli onns
Victor, Signiur en Rezia, il Cau dils perdavonts,
Regieva culla spada, regieva cul bastun,
Siu cor enconoscheva negina remischun.
Il suadetsch dil pievel, las raubas dils altars
10 Spendev' el cun muronzas, cun pompas e giantars.
Cun far il pittinader, cun far il baraccun,
Mettev' el aunc en cassa muneidas a mantun.
Sils Cons dell' autra spunda florevan las vertits
De Sighisbert e Placi, dus nobels eremits;
15 Quest veva sia rauba surdau a Sighisbert,
Per metter ina claustra sco glisch el stgir desert.
La claustra terlischonta fagieva mal ils egls
[p. 40] Als Gronds de Cavardiras, lischai e buedregls;
