Pagina:Decurtins - Rätoromanische chrestomathie, I.djvu/771

Da Wikisource.

742
Giachen Caspar Muoth
Quei tenev' el endament;
Mo ch' el vessi lu partiu
Tut quei muvel cul quinau
E medemamein il prau:
95Quei havev' el emblidau. —
E giudem muletg ils stavels
Vegnan auters personavels:
Gion Migiur e la Tudesca,
Ch' ha bugient paschada fresca;
100Paul Caluster, sia dunna,
In crudeivel capitani
De siu um, in pauper schani;
Rést vischlèr e sia schenta,
Envernada cun polenta,
105E cun quels bia mattatschaglia,
Che patiarlan tut en paglia;
Placi gob, il peglia - talpas,
Placi gob, che va cun crutscha,
Ha cargau mo ina hutscha,
110Vegn tuttina a mesiras; —
El ha tont bugient latgiras.
Per la spunda sut la via
Vegn la legra compagnia:
Giuvens svelts cun ferma bratscha,
115Pipas curtas en lur buccas,
E mattauns de bialla fatscha
Cun la lieunga pleina tuccas;
E las giuvnas s' accompognan,
Van a bratsch ed a manutta
120E tarlahan e scafrognan;
Ed ils mats, che van suenter,
Fan lur storgias e deruttas;
Mo las giuvnas dattan denter,
Partan ora lur canasters,
125Tundan brav ils giuvenasters. —
Mo giudim muletg ils stavels
Vegnan umens pli capavels,
Gl' aug Mistral e gl' aug Scrivon,
Giuncher Casper cul Caplon
130Cun suitas de Gieraus
E de tuttas sorts Ugaus;
Gie perfin gl' Ugau de spenda,
Quel, ch' il graun dils paupers
venda.
Tgeuamein a discurint
135Dal passau, dagl avignint
Munta cun commoditat
Si pil crest la societat;
Plaidan d' ammegliuraziuns
Vid las alps e vid il funs,
140Plaidan de cultivaziuns,
E scuvieran toca funs
Tuts ils mezs, ch' in sa dovrar,
Per il tratsch bein cultivar. —
Mo il nausch ugau de spenda
145Anfla da pertut la menda.
Si von tegia ei rimnada
Ussa tutta la caschada;
Gl' aug Mistral e gl' aug Scrivon,
Giuncher Casper, il Caplon
150Ein vegni beneventai
E cun gromma buentai.
Bucca mo ils personavels,
Er' las vaccas ein en stavel,
Vaccas grischas, vaccas brinas
155Cun platiallas e brunsinas,
Vaccas grassas, vaccas grèvas;
Vaccas melnas, vaccas lèvas,
Vaccas alvas, vaccas stretgas
Cun tallacs e stgèllas sètgas;
160Ed il taur si sur la tegia
Scav' il tratsch culs corns e megia.
Pign e grond ei fiuc e flomma,
Puscha! puscha! tut che clomma,
Carmelescha, beneventa
165Sias vaccas, et urenta
Lu ils ivers e las costas,
Sch' ellas seigien bein dispostas,
Sch' ellas fetschien èra prova,
Cheu en l' alp, sill' erva nova.
170Mo vonzei ha nies Cautegia
Radunau avon la tegia
Personavels e fumeglia. —
Sin in tschepp el secaveglia,
Fa citgei sco reverenza,
175Plaida lu cun eloquenza:
„Quels signurs e personavels
Sto jeu ussa supplicar,
Ded entscheiver a dugar.
Vus saveis, che la caschada
180Ha dumbrau tier l' ulivada
Trenta schetgas u genetschas
E sisonta vaccas blètschas,
Quei vul dir, che dattan latg.
Nossas sorts havein nus fatg: