 |
Questa pagina è ancora da trascrivere o è incompleta. | |
750
Giachen Caspar Muoth
Fa in segn e dat in sgregn
Et entscheiva nauschamegn
La Canzun dil Tin de Sax:
280„Mistral de Sax, mistral de Sax!
Ti eis spir sgreffels e spir tacs!
Nu has ti noss' armada?“
A Hospental terrada!
„Nu' has ti schau ils paders?“
285„Els ein ameuns als laders.“
„Nu' has ti la bandiera?“
„Ad Altdorf sin plaz fiern.“
„Tgei fan quels d' Ursèra?“
„Els stenschan en
fimèra.“
290„E nu' ein quels ded
Uri?“
„Els vegnen sur l' Alp
sura“
„Mistral de Sax, mistral de Sax!
Sependa si, perves' ils quacs!
Neu buc avon il pievel!
295Tgei gida tiu de niebel!
Tgei gida tia spada.
Ell' ei gie gnanc gizzada
Tgei portas capellina?
Quell' ei tut de ruina.
300Tgei vala tia bratscha?
Quell' ei sco nauscha stratscha,
Mett' ina paisch de rascha
Sil pez e fai curascha!“
Mistral de Sax, mistral de Sax!
305Va pér entuorn, runont il sacs!
E rog' avon las portas!
Merettas quella torta!
Has fatg tenien canera
E piars la vall d' Ursèra,
310Has enterdiu la tiarra
Cun caschunar l' ujara,
E schau l' entir' armada
A Hospental terrada.
Las vieuvas leu che pliran,
315Ils orfans leu ch' endiran,
Pon mai cun tut lur larmas
Lavar giu tias armas,
Mo leinan en pli fetg ils tacs
Per tei e tutt ils pigns de
Sax.“
320Paucs cantavan la canzun.
Bucca legers fuv' il tun,
Sco il pievel nauschs e stregns
Ussa giaps et ussa sgregns.
Quei fagieva il de Bugaus
325Sco la fiergna raucs e nauschs;
Lu in raig e lu in schem
Quasi sco in requiem,
Lamenteivel, murtirau
Pil de Sax il de Caprau
330E davos in grep udeva
Ins in' uolp, che respondeva.
Et il pader Asistent
Quei tadlava pauc bugient.
Mo' gl avat als campiuns
335Perdunava bia canzuns.
Cuschentada la ramur
Intonesch' il catschadur
Gion de Runs giu de Cartatscha
Cun rienta leda fatscha,
340Culla vusch sonora clara
Sco trombettas en l' ujarra,
Ina viarva pli legreivla
Ed als paders pli plascheivla,
Viarva loscha e pompusa
345Dina lutgia gloriusa,
Melodia giubilonta,
Dalla pizza resunonta
Sco las tibas giu dell' alp:
La victoria de Realp:
350La fiasta de Sogn Placi
Vev' igl avat udiu,
Che quels ded Uri hagien
In plan malign urdiu,
De prender cun inschin
355Il pass digl Avellin,
D' imponer alla Vall
Tributs e Tribunal.
Cheu ha il bien Sogn Placi
Il pievel destedau,
360Che tut, per sedefender,
Ei prest serestiau.
L' Urser' ha la punt
Dil Giavel furibund
Cun umens occupau
365E per in temps salvau.
Il di de Sontga Frena
Las uras de mervegl,
Arrivan quels ded Uri
Cun in terment rugegl,
