 |
Questa pagina è ancora da trascrivere o è incompleta. | |
Il cumin d' Ursera 1425 749
Uss sesperdan pli e pli,
Toch' ei vegn sacù in' di,
Ch' ils Tudestgs, ils vagabunds,
Mettan sut ils oriunds.
185O savess ins ver la spronza,
Che miu quen mass en fallonza.
Vossa Grazia, Segner Pieder!
Mo la claustra po gidar,
Sch' ella less sefitschentar
190Cun noss fatgs empau de pli.
Sia Grazia, pren a mi
Bucc en mal miu paterlem.
Noss signurs, lur rigelem
Valan pauc, gie quels protegian,
195Ils Tudestgs e nus handregian,
Ein cun Uri alliai,
Cun Tudestgas maridai.
Quellas tilan si affonts,
Che san nuot dils perdavonts,
200Seturpegian dil Romonsch.
Gie l' entira giuncheraglia,
Ina vera buccadaglia!
Fa de schâvet, sestellegia
Sco 'ls Schuobs, schuob balbegia.
205Ensaconts dils giuvens purs
Imiteschan ils signurs,
E secrein de far perdert,
D' esser schuobs è tont pli spert.
Nossa glieut degenerada,
210Miez - maset' e schuobigiada,
Oravon Mistral de Moos
Cun siu tgau davòndavòs,
Han urdiu il tradiment,
Che fatschenta de present
215Nies Cumin. — Jeu hai speronza,
…
Ch' els survegnien la pleronza,
Cur ch' els vesan Segner Pieder
Arrivont sin siu pullieder.“
Segner Pieder engraziava
220Al masser e quel ludava
Per la tschontscha da franchezia,
Per la flomma de carezia,
Flammigionta per siu pievel
En in cor sincer e niebel.
225E duront ch' el cavalcava,
E duront ch' el ponderava,
Tgei masiras sein de prender,
Per il vegl romonsch defender,
El quittava ded udir,
230Sia mumma leu bargir
Entafuns il lac sper via —
Larmas spir malenconia
D' ina mumma, che lamenta,
Ch' ella seigi maltractada
235Dals uffonts e bandunada.
L' aua tgeua reflectava
Leu gl' avat che cavalcava,
Ed ils umens silla riva
Admiravan sia umbriva.
240Tut en ina Gion Pultengia
Sevolvent tier Clau Camengia:
„Sch' ils d' Ursera vegnan miervis,
Sch' essen nus ton pli supiervis.
Finadin de nus regorda,
245Tgei che leza vall' bagorda
Ha schon dau de far a nus;
Tgei viadis prigulus
Schon noss tats han giu de far
Per l' Ursera consalvar,
250Per l' Ursera scompentar
Dalla bestia furibunda,
Che ha mai magliau avunda.
„Nus tenin bein endament,“
Clom' il pader Assistent,
255La disgrazia d' Hospental,
La terrada dil mistral
Tin de Sax, miu tat permiert.
Ins ha fatg ad el d' entiert,
Pli, ch' el vess giu meritau;
260Mo il Tin ha reparau
Si' honur, la vana gloria,
L' ei curdaus tier la victoria
De Realp, havent viviu
Indisch onns sco in murdiu.
265Miu confrar, Beat de Funs,
Quel, che fa sin tut canzuns,
Ha é cheu gizzau la plima
E mess giu quels fatgs en rima.“
Tut che quescha in moment
270Per respect digl Assistent.
Mo uss dat il de Zigniau,
Um rubiesti, maldolau
Alla Fiergna de Bugaus,
Bucca meins maltschecs e nauschs,
275In' enzenna cun in stausch.
E Bugeus, tut grittentaus,
