 |
Questa pagina è ancora da trascrivere o è incompleta. | |
748
Giachen Caspar Muoth
85Per la pleunca lavinèra,
Sur la neiv e sur gallèra,
Denter matgs de ros' alpina,
Denter truscla, sur burschina
E svanescha sulla sella
90Sils pastetgs de muntanella.
Segner Pieder de Pultengia
Scheva cheu a Clau Camengia:
„Sas Ti propi sin tgei fin
Ils d' Urser' han oz cumin?
95Setractesch' ei cheu de leschas
Ni de nauschas interpresas?
Ei la nova propi vera
Retschevida jer la sera,
Vulan els seseparar,
100Senza nua mo salidar?
Quei va vess a mi de crer;
Mo en curt vegnins a
ver.“
Clau Camengia cheu rispunda:
Vossa Grazia! Bein avunda
105Sundel jeu uss informaus.
Ord las tschontschas dils gieraus
Claramein ei resultescha,
Ch' il cummin vul tut en prescha
Dalla claustra sespartir
110E cugl Uri seunir.
… „Vossa grazia, sa ch' igl Uri
Onns et onns sutên lavura,
Per vegnir, sei baul ù tard,
En possess dil pass Gotthard.
115Ch' el nutrescha la speronza,
D' augmentar cheu la pussonza
Per ligiar la Leventina
Cun il vau de vall Scalina,
Per retrer sil quolm il daci,
120Ch' appartegn a nies sogn Placi.
Quels ded Uri ein gutrus,
Mo pli mals, pli ferms che nus;
San salvar lur interess
E lavuran cun success.“
125„Mo l' Ursera?“ cheu replica
Segner Pieder. „Tgi traffica
Leu schi mal cun nossa schenta?
Tgei la renda malcuntenta?
Vein nus bucca approbau
130Tuts ils dretgs, ch' els han artau?
Pon els bucca sez elegier
Quels, che dein lur caussas regier
Ha sacu' la claustra fatg
Enzitgei per disvantatg,
135Molestau la glieut cun taglias
Caschunau agli travaglias?
Na, els han negliu raschun
De portar lamentaschun.
Lur lungatg e lur naziun
140Stat cun nus en connecziun.
Sco las mummas de Rueras
En lur mummas, las Urseras,
È Romonschas, lur affonts
Ein Romonschs, sco 'ls perdavonts,
145Han artau in' aversiun
Pils schuobs e lur naziun.
Ein els bucca stai adina
Leu cugl Uri en carplina?
Dat ei bucca sepitgem,
150Sco ch' els audan tudestgem?
Quels d' Ursera e quels de Wasa
Dein tener ensemen casa?
Vivan gie, sco tgaun e gatt
En artada nauschadat
155E sescognan e sedattan;
Cu i sentauppan e secattan!“
Clau Camengia cheu rispunda:
„Voss subdits san bein avunda
Con ch' els han ded engraziar
160Alla claustra. Lur confar,
Lur caracter de present
Port' in auter fundament.
'Gl ei la tresta consequenza
Dell' ujarr' e pestilenza,
165Che lur pievel ei vignius
Decimaus e sminuius,
Che Tudestgs ein arrivai
Ella vall, leu secasai
Ed ein daventai patruns
170Dina gronda part dils funds.
Quels Tudestgs ein indersess;
Mo domminan gl interess.
Regimen e beins cumins
Audan bein als vegls vischins;
175Mo la glieut activa nova,
Che lavura, che sedrova,
Ha la rauba, l' influenza;
Daferton che decadenza
Regia denter noss subdits.
180Lur caracter, lur vertits
