 |
Questa pagina è ancora da trascrivere o è incompleta. | |
802 Maria Ursula Cavelti
Allas steilas.
(Aus Poesias romonschas, Tiarza part, Cuera, Joseph Casanova, 1894.)
[p. 142] O schei, vus claras steilas
El firmament,
Pertgei viv' ins sin tiara
Mo in mument?
5Pertgei sto ins sin tiara
Pitir, pitir,
Quei quort mument ch' ins viva
E pi smarschir?
O dei, vus caras steilas
10A mi avis,
Vus che la stgira tiara
Schi dultsch sclaris!
Savens, savens jeu stojel
Vus contemplar —
15Tgi lai cun tonta gloria
Vus terlischar?
Oh, quel ch' ei vies scaffider
Ha mei scaffiu;
Quel che vies quors diregia
20Ei er miu Diu.
Perquei siu mal emblida
Miu cor suffront,
Cu 'l ellas spheras vesa
Vus terlischont.
25[p. 143] Lur' ina vusch mi cloma
El pèz profund:
„Ei dat eung ina veta,
In lauter mund.“
„Cu tiu tgierp schai sin bara
30En in lenziel,
Ti' olma libra sgola
Encunter tschiel.“
„E l' olma, ch' ha sin tiara
Il pli pitiu,
35Il pli dabot encunter
Sgol' a siu Diu.“
Co quella vusch celesta
Comforta mei,
E dat la vet' e forza
40A mi puspei!
O steilas terlischontas,
Jeu sai, jeu sai,
Vus essas habitadas
Da spérts beai!
35E cu jeu vus contemplel
El firmament,
Sai jeu pertgei ins viva
Mo in mument!
MARIA URSULA CAVELTI.
Fabiola.
(Il Tschespet edius de Dr. Decurtins, II. Volumen: Fabiola, Basel, 1892.)
I. La casa christiana.
Corteseivel lectur! Traversa cun mei in suenter miezdi de September
digl onn 302. las vias de Roma antica. Il solegl va de rendiu, aunc
duas uras ed el vegn ad esser tramontaus totalmein. Il di ei sereins.
