 |
Questa pagina è ancora da trascrivere o è incompleta. | |
804 Maria Ursula Cavelti hospital salid „Salve“ 1), ed arrivein en igl Atrium, la prima cuort interiura della casa, circumdada d' in Porticus ne galleria de colonnas. En il centrum della solada de marmor sgarguglia ina fontauna, bettent ad ault migieivlamein ramuront radis de sereina aua, prevenienta dellas 5 tschimmas dil Tusculum, e menada neutier tras igl aquaduct de Claudius. Cun capricius segls sitta il radi pli u meins ad ault, e croda lura anavos en ina gronda butschida de marmor tgietschen. En levas vellas cuora l' aua sur igl ur della fontauna ora en ina secunda pli larga fontauna, springient ina finna plievla sin las stupentas flurs exoticas, tschentadas en 10 elegantas vasas en rudi entuorn la fontauna. Milsanavon observein nus en la galleria in fetg custeivel mobiliar: letgs cun garnituras e gravuras d' aur e d' argent, meisas da lenn, derivont dagl Orient, candeliers, amplas ed auters obiects de bronz ed argent, statuettas de finna sculptura ed autras causas artisticas. Las preits ein ornadas cun picturas, evidentamein 15 derivontas d' ina epoca pli veglia, mo bein conservadas; er il colorit ha pers nuot de sia primaria vivacitat e splendur. Las picturas ein separadas Ina da lautra entras nischas; en scadina de quellas sesanfla ina statua, che representa ina persuna mitologica ne historica; mo buc ina ei de fuorma ne natira, ch' ella savess offender ne disgustar er il pli innocent 20 ègl. Che ina u l' autra nischa ei vidda, ne enqual maletg cuvretgs cun in spess vel, ei cert buc casualitat. Ina gronda part della galleria, igl mpluvium, ei buca cuvretga dal tetg; mo ina tenda de stgir lenziel protegia leu ils habitonts della galleria dal solegl e dalla plievia. La scarsa glisch che penetrescha la tenda, augmenta denton igl effect dils 25 obiects descrits. Visavi alla porta, che ha menau nus en casa, se arva ina arcada, che conceda a nus in' egliada en ina secunda aunc pli magnifica … cuort, cun solada de marmor, de diversas colurs, bein combinada e rihamein sulerrada. Cheu ei l' apertura el tetg aunc curclada cun glas ne talc (lapis specularis), mo la tenda de lenziel ei per part tilada naven, 30 e clar ei la cuort illuminada dal migieivel solegl della sera. Sper ina meisa, pusada encunter ina petga de marmor frigic, sesa ina dunna, che ha vargentau la primavera de sia vita, mo ei aunc buc arrivada tier igl atun de quella. Sia fisionomia nobla e delicata plaida de cruschs e dolurs, surfridas els onns de sia giuventetgna. Mo ina forza 35 dada ad ella da surengiu, ha victorisau sur la petradat de sias regordientschas … e mitigau la dolur, mischedont cun quest sentiment consolaziun e sperronza. Gie, dolur e consolaziun havevan daditg sepatronau de siu cor. La simpladat de sia exteriura comparsa contrasta fetg cun il luxus, dil qual ella ei circumdada. Simpla ei la frisura de ses cavells, vegni 40 grischs avon il temps, simpels ei siu vestgiu, ton la materia sco la lavur, el ha per garnitura mo ina penda de purpura, Segmentum, l' enzenna, 1) „Beinvegni“.
