Nua dei pomai se volver,
Sch' il miu pli car vul mei ca pli?
Co dei jeu ussa se volver?
Tgei dei far cun miu tschupi?
45 Ach, jeu paupra sventirada,
Tgei dei ussa pomai far?
Fuss jeu mo mai matta stada,
Stuess jeu buc ton endirar.
32.
(Vgl. Annales I. p. 72/73.)
Jeu confess, o cara biala,
Ch' jeu hagi leung' urialla
Senza Tei stover star;
Poss jeu bucca emblidar
5 Ils plischers, ch' jeu gudevel,
Tochen ch' jeu cun Tei star podevel.
Ils dultschs plaids de Tia bucca
Sent' jeu mi' olma tutta;
Cur ch' jeu in betsch a Ti devel,
10 Ed in betsch de Tei retschevevel,
La calira dell' amur,
Quella scaldava sin la flur.
L' amur era nies confiert,
Nus gudevan de quei jert
15 In bien fretg de permavera;
Ach, sch' ei fuss mai vegneu sera,
La dulschezia era cun nus,
Ed il cor batteva discuss.
Giuvens, che meis en quei jert,
20 Veies adatg, figiei buca d' entiert;
Scadin po bein ver la mira,
Cu la gielgia ei madira,
De prender quella navent
Cun adatg e sentiment.
25 Ussa sundel jeu daven,
Ed hai adina Tei el senn;
La lavur mi ha stermentau,
Perquei sto jeu star schuldau,
