 |
Questa pagina è stata trascritta ma deve essere formattata o controllata. | |
43.
Biala stiva e bien vin,
Quei ei la mia veta;
Daners en sac hai senza fin,
Quei scatsch' a mi la gretta.
5 Latg e broda poss jeu buc,
Quei lavaga il magun;
Carn quei laudel jeu sil zuc
Cunzun in bien schambun.
Maruns castognas fai pinar,
10 Motschna biala cuschinar;
Gromma dira sco in cugn,
Ch' in sapi grad magliar cun pugn.
Meila cotschna salvan si,
Per giavinar ils mats;
15 Paun cun pera zuppan vi,
Per discus far solaz.
Cars compogns, tadlei sin mei!
Las matteuns buc vilintei;
Las matteuns buc cumbrigiei,
20 Schiglioc quei fa bargire.
Fuss mi laid de vilintar
Las matteuns aschia;
Cortesia lein nus far
En cas' ed or sin via.
44.
Miu muronz ei in bufatget,
El ha dau a mi in bi fazolet.
Videribum, pum, pum!
Sch' jeu vi e Ti vul er,
5 Dein nus in bufatg per.
Videribum, pum, pum!
Ach, co mi fa mal il tgau,
Che miu muronz ei jus schuldau.
Videribum, pum, pum!
10 Ach co mi fa mal il pez,
Ch' jeu el mai pli vez.
Videribum, pum, pum!
