Ach co mi fa mal il cor,
Che miu muronz ei jus da Porclas or.
15 Videribum, pum, pum!
45.
Sch' jeu savess de survegnir
Quei tal signur leusi Surmir,
Sche mass jeu si tier el;
E lessel dir, ch' jeu mass a sogns,
5 E lessel ira sco auters onns
Tier quei sogn liug Ziteil.
Miu car signur, jeu sun vegnida,
Per domendar in plaid ded Els,
Jeu roghel ded udir:
10 Jeu hai udiu d' in bien amitg,
Ch' Els hagien schon spetgiau daditg,
Per dunna tscheu Surmir.
El ha respondiu buc en favur,
Mo l' engraziau per quell' honur,
15 Tgei duess jeu far cun Vus?
Cun ina giuvna de vegn onns,
Ch' ha forsa schon giu bia muronzs,
Na quei fuss buc per mei.
46.
Tgei lein nus po mei entscheiver,
Ch' ei gliei schon passau il scheiver,
Il mun ha nus tut bandonau,
Che nus in um vein mai anflau.
5 O Diu, jeu roghel Tei,
Hagies po erbarm de mei,
Sbitta buc mias oraziuns,
Ch' jeu fetsch cun tonta devoziun.
Jeu vi bugient better vi miu tschupi,
10 Mo ch' jeu possi purtar ani;
Sei el per de zin ne plum,
Mo ch' el seigi staus d' in um.
Jeu se cuntentel cun in parle,
Ne sch' ei sto esser cun in vischle,
