 |
Questa pagina è stata trascritta e formattata, ma deve essere riletta. | |
| Rimas | 885 |
Ven dopo il camiç d’estad uss spert
Cun notgs sereinas e solegl splendid.
Ils dis sun curts, ma bels e clars er cert;
L’uçliglia emigranta se prepara
105Dad ir, essend siu senn vagant alert.
E bein carnida dallas alps compara
In scossas numerusas la muvaglia,
Al contadin tant utila e cara.
Per l’ultim quala vita da travaglia
110Comenza ussa cun il tard autun,
Avant che sei spogliada mintga caglia!
Cun carr, curtaun e schliusa e tragliun
El la campagna mintga di traversa,
Manand el la raccolta a mantun.
115Mai batta uss ün’ura tgi fuss persa;
Marvegl eis la casada gia in pei,
E tots bugen s’agüdan viceversa,
Tots lavurand e lavurand puspei,
Tgi cun la zappa e cun la cavagna,
120Tgi cun scarsuir, e prest inturn da tei
A güvels de beada contentezza
Respunda da lontan uss la muntagna.
[p. 25] Sco’l contadin, l’activ, uss cun letezza,
125Considerand ses beins e sia casa,
Fitg bein provist er cun del tot se vezza:
Aschia il human stat alla phasa
Fitg importanta d’üna vita nova —
Avant la spunda della nera vasa;
130E fortunau sch’er in siu cor se mova
Il sentiment del güst, qual senza tema
Da bun infant al bab etern det prova;
Content el pensa e cun güsta flemma
Als dis, quals in virtüd sun passentai,
135Fratant che l’empi dall’anguscha schema!
E dis arrivan, o de quels sco mai,
Funests et er da vents periculus
E da brentina spess accompagnai.
Co fugan tras las selvas lamentus
140Quels figls, dal freid septentriun tramess,
Cun lur nausch flat mordent e pernicius!
Pruginas e schelaglias han uss mess
