Pagina:Decurtins - Rätoromanische chrestomathie, IV.djvu/985

Da Wikisource.
Jump to navigation Jump to search


977 VOLKSMEDIZIN. <poem> 1. Nescher sin las dudisch ei buca bien. 2. Quels che neschan il Schaner, vegnan vegls. 3. Quels che neschan sin l' enzenna digl anugl, ein tgaus mogns. 4. Quels che neschan sin l' enzenna dils schumalins, san far dil tut, ein buns zembergiaders. 5. Quels che neschan sin l' enzenna dils creps, van anavos, cura ch' ei entscheivan ad ir sez. 6. Quels che neschan sin l' enzenna dil liun, han adina la bucca aviarta. 7. Quels che neschan sin l' enzenna dil bov, ein glieut gropa. 8. Tgi che ha gron splem, ha grev flad. 9. Flad grev dariva da saun grev. 10. Saun ner ei saun grass, saun tschietschen ei saun magher. 11. Saun ner tier glieut giuvna ei enzenna de bran. 12. Ins encorscha malsognas vid l' aua, ha quella ina macorta colur et eis ella dira, ei quei ina enzenna, ch' ins seigi malsauns. 13. Siat ein las bellezias dil carstgaun: Egls tscharescha. Cavels ners tschuors. Colur sco vin e latg. Bi nas bein formau. Bi maun bein carschiu. Bi pei proporzionau. Bialla postura. 14. In bi nas fa in bi umm. 15. Frun cun fauldas ei ina enzenna de gliaut perderta. 16. Frunt rubigliau ei de desparau. 17. Per ummens ei pli bi cavels ners, per femnas aschi bi melens. 18. Gliaut cun cavels cotschens ei nauscha. 19. En ina barba cotschna sa ins metter ne zupar nuot auter che marenghins, pertgei nagin pertratga, che lau sapi esser enzatgei bien. 20. Cavels fins van ora pli tgunsch che grobs.