 |
Questa pagina è stata trascritta e formattata, ma deve essere riletta. | |
| 978 | Volksmedizin |
21. Cavels tschuors ei della glieut.
22. Femnas cun cavels tschuors ein nauschas.
23. Cavels ners vegnan pli tgunsch grischs.
24. Cavels alvs, flurs santeri.
25. Per far vegnir cavels tschuors, sto ins tagliar giu els sin l’enzenna digl anugl.
26. Sch’ins taglia giu ils cavels de digren, vegnan els spess e cuorts.
27. Sin l’enzenna della feglia dei ins buca tagliar giu ils cavels; gliez ei ina enzenna tschufa.
28. Per far crescher ils cavels liungs e loms, sto ins tagliar giu els, avon ch’il solegl levi, per sontga Maria Madleina.
29. Per far crescher ils cavels ei bien aua de ragisch urticlas.
30. Per far crescher ils cavels ei il meglier grass tgaun.
31. Per buca schar ir ora ils cavels ei bien smaccar geneivra e metter sil tgau.
32. Per far ira ils plugls ei bien aua de flur culem.
33. Per far ira ils plugls ei bien aua de ragischs bulomas.
34. Ins sto mai better orda fenestra ils cavels, schliatta glieut pon nuscher cun els.
35. Avon che better daven ils cavels dei ins spidar treis gadas sin els, lu sa la striadira buca duvrar els de far garnialla.
36. En la garnialla anfla ins savens cavels.
37. Ins sto mai better daven las unglas, ch’ins ha tagliau giu, ins sto barschar ellas.
38. Ins astga buca tagliar giu las unglas suenter miezdi.
39. Ruer giu las unglas ei fetg schliet e malsaun, e sa grad far la mort ad in, pertgei unglas, gliez ei tussegau.
40. Per survegnir ina bialla colur ei bien de selavar cun igl agien pesch.
41. Selavar cun latg e vin fa bialla palladira.
42. Per survegnir palladira fina, sto ins selavar cun aua de buatscha.
43. Per survegnir palladira fina, sto ins selavar cun pescha buob.
44. L’aua de Stella de Mars dei ins salvar si en guoters, e selavar cun ella, quei fa palladira fina.
45. Per infirmir la pial ei bien unscher quella cun grass muntanialla.
46. Per infirmir la pial sto ins unscher quella cun grass siarp.
47. Per infirmir la pial, sto ins lavar ella cun aua de scorsa coler.
48. Per far ira ils lentagiens, sto ins lavar els cun l’aua della emprema plievia Matg.
49. Per far ira ils lentagiens, sto ins lavar els cun rugada Matg.
