«O bella matta, voust am der
10 Üna bella rösa da tieu êr?» —
«O madinà cha nu farò,
Cha mieu bap m’ho scumando.» —
«Nu voust tü ma marusa gnir?» —
«Aunt cu quella eu dvanter,
15 In ün graunet am voelg cunvertir,
Ed in la terra am voelg zuper.»
«Scha tü voust gnir ün bel graunet,
Ed in la terra at voust zuper,
Voelg eau gnir ün utscheet,
20 Ed our dalla terra at voelg picler.»
«Ün utscheet scha tü voust gnir,
Ed our dalla terra am voust picler,
Voe ’m convertir in chiamuotschet
Ed in la cripla am voelg risçher.»
25 «Füssast tü ün chiamuotschet,
Per in la cripla at risçher,
Voelg esser eu ün chatschedret,
Ed our dalla sassa at voelg claper.»
«In chatschedret t’ voust convertir,
30 Ed our d’ la sassa am voust claper,
Schi voelg eu gnir üna bella rösa,
Ed in la plazza am voelg plazzer.»
«Scha tü füssast üna rösa
Ed in la plazza at voust plazzer,
35 Ün cumpredar voelg eu gnir,
Gio dalla plazza t’acquister.»
«Scu cumpredar voust tü gnir,
Gio dalla plazza am voust cumprer,
Voelg in aunglet am convertir,
40 Ed aint in tchêl am voelg retrer.»
«In ün aunglet t’ voust cunvertir,
Ed aint in tschêl voust at plazer,
Schi voelg ün otr’aunglet eu gnir,
E svess in tschêl at voe brancler.»
