Pagina:Decurtins - Rätoromanische chrestomathie, IX.djvu/45

Da Wikisource.

Volkslieder. 31


25 Ün grand pled que da dir,
Ün grand tuert que da fer,
Nun vöglias in prescha ir,
Nun hegias da ’s rügler.

Tar me nun achattais
30 Richezza ne belleza,
Sco vus as cradantais,
Mo bainschi pieted.

Nun se, scha eir a mi
Vus taunt ’amur purtais,
35 Taunt bain e taunta fè
Co vus cun voss pleds dschais.

Pertaunt as vögl cussglier
Da prusa giuventschella,
Cha vus vögliat chatter
40 Üna pü richa e pü bella.

O che pleds vus am dschais,
O che dolur turmaint,
O che cordöli am dais,
Mieu cour quel foura aint.

45 Taunt nun s’ cradantais
Davent da qui am fer ir,
Ed uossa vus volais,
Cha eau giaja a murir.

Tar vus he eau chatto
50 Tuot que mieu cour bramaiva,
Ed ais bger pü co que,
Cha eau m’incrajaiva.

Tuot que chi as po fer
A nos Dieu bain plaschaivla
55 In vus ais da chatter,
O giuvna allegraivla.

Tuot que chi plesch’al muond
Avais eir in tschertezza,
Tuottas virtüds eir zuond
60 Avais eir grand richezza.