Las stailas trapassais,
Il solagl ho invilgia,
Cur el as voul guarder,
Sto bain, o nöbla gilgia.
65 Co in vus pü bellezza
Nun ho vis il solagl,
Ma neir pü fidelted
Üngün co aint in mai.
La buocha am riainta,
70 E voss ögls quels am guardan,
E cur cha quella chaunta,
Mieu cour s' allegra d' fè.
Rösa amabla e pom grano,
Il solagl vus sumgiais.
75 Las rösas chi savuran
Vus tuottas trapassais.
Rosmarin cun odur,
Balsem il pü custaivel,
E las gentilas fluors,
80 O cour mieu dalettaivel.
Taunt bel da tuot la terra,
Taunt bel da tuot il mer,
Scha füss auncha pü bgeras,
Non ais da congualer.
85 Scha our da perlas as fess
Als raigs üna coruna,
Usche our d' virtüds
Ais fat vossa persuna.
Sco ais sto la prusa Anna
90 Da nossa sour Maria,
Sco la casta Susanna,
Schi eschat rösa mia.
O sulagl da bellezza,
O dutsch amabel cour,
95 Tesori da tschertezza,
O mieu dalet, mieu bain.
