Pagina:Decurtins - Rätoromanische chrestomathie, VI.djvu/383

Da Wikisource.

Genesis 365

diligentia informad, chia in spazij da metz [f. 3b] on, sun eau tut aint in la Sesafla Classa: stat in quella eir metz on, e lura fatt Student. Vn fatt raar singular, & bunamang in audit, chi possa ngir fat ün taal progress in spazij d’ün On! Mo inuonder ais quai parschandù? Aquia Sar stainuo cufassar, Eau, & ilg Rd. Surscrit, meis chiarischem Præceptor stat in Tury, & Professor in Basel, quai chia ilg S. Apostel Paulus disch: 1. Corr. 3. v. 6 & 7. Lün ha implanta, & lauter ha sagua, mo la creschentia ha datt Dieu. Et uschea ne quel chi ha implanta ais inqualchiausa, ne quel chi ha sagua, mo Dieu ilg qual ha fatt crescher. Nun ais quai ün singular & grondissim benefizij da la gratia da Dieu? Schmanchiar ils duns da Dieu, ais smanchiar Dieu s’ves: Am parchüra Dieu d’ünna taal ingrata Natüra.

Ngond nossa Engadina tutta aint, Anno dals vang ün, ais nos ordinarij Minister trat dauent; Et siond eau ruguad, cheu dess pradgiar in in Laguin, n’hai eau obedij, combain per causa da la Sudada, con priguel da mia vitta. Quai ha dürad infinna la fin da quel on: Par dij d’Anœf dals. 22. Ha ilg Zesco, œbrist Lutinent da l’armada, chi habitava in Zuotz, manad praschun ils Ministers chi pradgiaven, la sù pro el. Amaij m’ha Dieu delibera tras metzs da d’Amis, chi m’haun tngü avisad cheu m’azuoppa. Et nun pudiont eau da quel temp, mütschar via inlgur; Sun eau in habit incognit, con cumpangia retrat a Venetia; & rasta laint, nun contschaint, a S. Steffan, pro da nos pœvel circa da metz on, pisond eau da pudair ngir e staar a chiasa; Ngond eau oura, schi m’ha ilg surscrit Zesco fat parschun in Zarnetz; Ha ordinad da m’trametter via in ilg fort da S. Maria, pro ils auters parschuners; Il qual [f. 4a] d’vantoud nun eira plü, (suainter jüdizij humaun) spraunza da mia vitta. Mo meis Deis m’ha müraflgusamang delibera eir da las grifflas da quel infidel e crudel Tiraun. Ell pauck dauo quai, con alchùnnas stillatadas, ais amazad in seis Pagiais; Et eau pudùd turnar saun in ilg meis. O gratius Dieu! Quaunt inconprehensibels sun teis benefizis? Chi tpo purtar Amur avonda?

Aint in quel on dals vang e dus, ais nossa Engadina, dalg Inamij darcheu tutta aint, Arssa, ruvinada, & ngùda in miserabla Subjectiun. Chie eau n’haija in tuot quel temp, aunt, in, & davo chella ais statta tutta aint, t’ngù da Patir e suffrir insciaramùtschas, stù mütschar, sur cuolms, vadrets, munts, vals, in & our d’nossa terra, da dij e d’nott; Ngúd in mauns da la sudada, & t’ngü la mort præsenta avaunt ils œls, &c. quai nun ais maunguel da manzunar. In tuotta quels priguels, & lungks temps, m’ha meis Deis in tal mœd cusalva e dafais ch’eau sün mia vitta nun sun offais, ne ingiùn mha pudü offender, brick in ún daint. Chi nun cunguoscha & racunguoscha quai, per gronds & gratius benefizis da Dieu, ess plü deng da ngir nominad ünna bestia, co ün Christiaun!