Pagina:Decurtins - Rätoromanische chrestomathie, VI.djvu/384

Da Wikisource.
366 Joan Pitschen Salutz

Anno. 1629. d’utuon, eschens nuo Ministers tuots, d’Engadina Bassa, tras cumond dals Comissaris da sia Alteza, da d’Insbruck, tramis dauent da nossa terra, con taal stipezza, chi nuns ais niaunchia vulgù da term metz dij, da pudair comodar nos fats bsüngus. Nuo tuots eschen ngüds in Zuotz; Inua ilg Illuster Singur Caualier Conradin Planta, ans ha dat aint ünna da sias chiasas, da pudair tuots star insembel comodamang. Inua chia Nuo hauain eir, da quella & autras nobilissimas chiasadas, sco eir da l’intera honorada vicinanza u Comœn, recevüd favur, [f. 4b] Amur, & bler bœn, in dits & in fats (Dieu ils renda) Craschond la crüa persecutiun incontra da nuo, hauains ilg sequent on, stü daar lœ eir da Zuotz, & trar davent, chi aqui, chi a tscha, in oder our d’las Lias. Amaij m’ha Dieu præpardert, ün comodaivel lœ in S. Moreza; Inua ch’eau sun farmad, & finad Minister da quella Baselgia; Et sun rumas in quella infinna dals trenta e duos, con pasch, e paus, & tuotta bunna contanteza. Chi nun stouva vair e cufassar chia quai sea stat ün singular e grond benefizij da Dieu?

Siond l’armada Francesa in nos Pagiais, tuott ilg comando, dalg Excellentissim Sig: Duca da Roan; M’ha scrit ünna chiarta, ilg multo Rd. & Doctissim Giorij Salutz meritissim Decan d’ün venerand, Capittel, & vigilantissim principal Minister da la laudabla Citad da Cuoira, meis honorad e chiarissim Sar Barba, beatissimæ memoriæ, ch’eau dess guardar e ngir giuo in Engadina Bassa, & plù quaidamang ch’eau poss, comanzar a faar meis offizij, mo ourduart ilgs Taimpels (dals quals lura ils Capuciners eiran absoluts Patruns) Eau sùn giavùsch e rœ da noss Mess nhai ubadij; Et in ilg principij dalg on. 1632. Sun eau con tuotta mia Bragiada ngüd giuo achiasa, in Laguin; E n’haij ordinariamang servid sulett, tuots noss desch honorads comœns, circa da quater mais dalungua, quai ch’eau n’hai pudùd star ferm. In quel temp, chie Satan hagia lavura, tras metz da seis Capuciners, per impedir ilg cuors dalg Euangelij, èss contschaint als Tschelett a la Terra. Chie fuœrgia Chie rabgia; Chie immnatschas; Chie persecutiuns, chi eiran contra da maii, nun ais maungel da manzunar. Infinna taunt chia ilg Singur da Lande, ha taunt fatt, ch’ell ha obtngù da nos [f. 5a] Snguors, chi haun tramis ün agien Mess am manar a Cuoira, taunt co parschun. Ngond eau oura, sun farmad in Arest, sees conplainas Eifnas. Et Dieu ha drizad, tras metz, da quella beada orma, sia Excellentia, ilg Singor Duca da Roan, chia tuotta mia vitta, ma nun haii vivù, ne veng a viver in quist Muond melg, co in quel temp ch’eau sun stat loura: Et la spaisa cheu nai fatt, ilg spendii dad iir oura & turnar aint, hal eir tuot pagiad ell. O gratius Dieu, chi t’po avuonda ludar et ingratiar, per taunt benefizis?