Pagina:Decurtins - Rätoromanische chrestomathie, VII.djvu/39

Da Wikisource.

[ALCHIÜNAS BELLAS ET NÜZAIVLAS HISTOARGIAS.]

(Ineditum nach Ms. Xr.)

Ün zuond bel Discuors intraunter

Herculem, siand aunchia ün Pitschen Infaunt, et

La volluptet et la virtüd.

I.

Haviand Hercules passanto sia eted dad’infaunt, et cumanzand el a gnir ün bel giuven, eira el dubius in sesvessa, scha el, in l’avegnir, daiva el ’s arender alla volupted et daletts dalla chiarn, u alla virtüd? Siand el uschea in dübbi giet el in ün gôtt, ’s mattet gio lo sulett à pus[s]er, et cumanzet a s impis[s]er in sesvessa, quella via chi’el daiva tegner dürand sa vitta. In aque vegnen tar el 2 dunauns da diversa postura et habit. Üna dad üna natürela bellezza da fatscha, da cummœna lungiezza et bella statura, cun bels giests, et eira vestida cun üna vestimainta alva sco la naif. L’otra da lungia statura ünpo plü grassa, chi splenduriva dal bellet, il quel chi’ella ’s havaiva do, dad üna schelma vista, cun ün all’superb . . . . chi ’s guardaiva bgier intuorn, scha füs qualchiün chi guardes, eira vestida cun üna vestimainta da bgieras [f. 1b] coluors. Questas duos duonnas vegnen daratifmaing vers Herculem. Et la prüma, chi eira la virtüd, eis gnida sodamaing tar el. Mo l’otra, chi eira la volupted, eis gnida pü daboat, et ho dalungia cumanzo à tschantscher cun Hercule uschea: Chier Hercules, eau vez, chia tü dubittast, quella via da ta vitta chia tü dessest tegner? Et per aque scha tü m voust cugnuoscher me par te guida et amia, schi t’voeglia mner per üna via, chi eis chiœntscha et deletaivla; sün la quella tü nun vainst sulettamaing à sagier tuotta dultscheza et bella vitta dal muond, mo nun vainst nell’me ad havair alchiüna dulur u contuorbel. Et per il prüm nun vainst ad havair da fer ünguotta cun la guerra, cun fatsendas, u cun otra lavur, mo vainst ad havair nomma da t’impisser, chie spaisa u bavranda chia tu vœgliast gugiend; chie chia tü vœgliast vair gugiend, udir u survgnir; co chia tü vœgliast ster legiar, t’der bun temp