Pagina:Decurtins - Rätoromanische chrestomathie, VII.djvu/82

Da Wikisource.
68 Alchiünas Bellas et Nüzaivlas Histoargias

fütten mnos à Roma. Ma la fortüna ’s vulvet darchio bod. Perchie zieva Cotta füt tramis aint Claudius, alquel ils Carthaginensers in üna battaglia mazetten 20000 Romauns, et fetten funder 200 nefs. In quista guerra suletta haun ils Romauns pers 700 nefs da guerra et ils Carthaginensers 500. Da tuottas duos vards sun arestos in tuot 1000000 hommens. La causa dalla seguonda guerra incunter ls Carthaginensers füt, chia Annibal splanet dafat Saguntum in Spagna, laquela pertuochiaiva als Romauns. Quista 2da guerra füt aunchia pü greiva co la prüma.

Co chia Eudoxia saja gnida Imperatrice et darchio arfüdeda.

XXXVIV.

Quista Eudoxia eira figlia dad’ün ludo Philosophi cun nom Leontius, ilquel havaiva duos filgs et üna doatta figlia, chi havaiva nom Athenais, et eira üna zuond buna Poeta et faiva stupendischems bels vers. Quist Leontius, ’s approsmand sa moart, fet testamaint, et perchie chia el eira ün bun astrolog et tres que cuntschet et savet, chia sa figlia gniva à gnir adozeda tiers grandas hunuors et [f. 54b] digniteds, schi fet el sü tuotta sa roba als filgs ourvart 100 arainschs, chia daiven der alla sour. Athenais stuet per na gieda havair patientia et lascher fer; mo siand il testamaint gnieu valid tres la moart dal bab, nun vulaiv’la ’s cuntanter dad’ün uschea injüst testamaint da seis bab. Sü sura seis frars gnitten gritts et la chiatschetten our d’chiesa. Athenais ’s almantet da quista ingiüergia cun sia amda, sour da sa mamma. Quella giet dalungia à Constantinopel per ’s almanter da quist tüert avaunt l’Imperadur Theodosio, il seguond da quist nom, insemmel cun sa nezza. Athenais, aunz co tschantscher cun l’Imperadur svessa, gnit il prüm tar Pulcheria, sour dal Imperadur, laquela eira eir üna zuond virtüusa et scoarta femna, et mnet avaunt sa causa cun taunta eloquentia, dexterited et bella fuorma, chia la sour dal Imperadur nun ’s pudaiva schmüravglier avuonda dalla granda sabgienscha et scientia da quista femna pajauna, perchie ella eira uschea doatta in la philosophia, in il languag griegisch et latin, chia nun ’s chiattaiva ün oter à sieu per. [f. 55a] Pulcheria ’s havaiva lœng impisseda et tscherchio da der à seis frer, l’Imperadur, ilquel eira aunchia da marider, üna femna scoarta et inclegiantaivla per duonna, et peraque schi l’mnet ella aint quista. L’Imperadur vsaiva svessa, chia l’eira duteda cun grands et excellents duns dal anim et dalla eloquentia, et ’s laschet plaschair bain la femna. Ma perchie chia ella eira üna pajauna, schi la fettane amusser et informer in la religiun christiauna; sü sura fut la battagieda, et impe da Athenais füt ella nomneda Eudoxia (eis ün pled griegisch, chi voul dir per arumaunsch: beneplacit). Uschea eis ella dandettamaing ariveda