Pagina:Decurtins - Rätoromanische chrestomathie, VIII.djvu/160

Da Wikisource.
Jump to navigation Jump to search


[p. 35]

Ün bel cudesch.


Ün bel cudesch sto aviert
Da contin a nossa vzüda,
Quel attonit renda 'l spiert
E noss' orma el salüda;
5 Dieu l' ho scrit, in möd zuond cler,
Imprendain quel ad incler!

„La natüra“ e 'l nomnò,
Da grand pais tuot que ch' el tratta,
Ogn' ün rest edifichò,
10 Chi vi d' el plaschair be chatta,
Müravglus ais sieu contegn;
L' ais da Dieu, ün cudesch degn!

Quist bel cudesch sto aviert
Da contin a nossa vzüda,
15 Quel attonit renda 'l spiert
E noss' orma el salüda,
Imprendand quel bain a ler
Gnins eir lò Dieu a chatter!


[p. 47]

L' Inviern.


La naivetta, la naivetta
Vain da tschel a flöch, a flöch;
Onduland sco las chürallas.
's mett' la giò a töch a töch.

5 E nos mauns, e nossas vistas
Butscha ella in möd zart,
E que pera ch' ell' ans porta
Un salüd da buna vart —