Pagina:Decurtins - Rätoromanische chrestomathie, VIII.djvu/233

Da Wikisource.
Jump to navigation Jump to search


E cuorr’in bratsch a sieu
Pü intim predecess,
E bütsch' il benedieu
Recupero possess!

Partenza.


Be aunch' ün bütsch d' amur taunt püra,
Ün dutsch e sten, o mieu figl cher!
Allura vò, cha Dieu at chüra!
Pü lönch nun poss eau te chürer.

Be aunch' ün squitsch da sencha flamma
Al cour matern aunz cu partir,
Aunz cu partir, o tschêl da mamma!
Et inavous lascher sospir.

Be aunch' ün pled, o quel rinserra
10 Profuondamaing in tieu immaint!
Pü fin tesor, cur vegn in terra,
Nun poss lascher per testamaint.

„Què tieu patrun con dret cumanda,
O taidl' attent e fò contin!
Bramand sortir da stipa gianda
Et arriver in plaun zardin.

La gianda ais: misiergia escha,
Zardin nomn eau: il dutsch possess;
Mo auncha megl qualchos' am plescha,
Chi eir a te plaschair dovess.
 
O craja, figl! scha neir in chascha
Nun vain d' allò ne soud ne s-chüd, …
Cha pür in què tuottün' as lascha …
Chatter il pain da vair salüd.

Che ho l' umaun, scha el acquista
Possess mundaun al corp mortel,
E perd' il spiert etern da vista
E sieu possess celestiel?

Che ho l' ingrat avar, chi crida,
30 Per nun podair gurbir il tuot,
E brich in Dieu, il sench, as fida,
Mo be in sieu giavüsch corruot?