Pagina:Decurtins - Rätoromanische chrestomathie, VIII.djvu/234

Da Wikisource.
Jump to navigation Jump to search



Che ho il nosch da sia richezza?
L' utschè viv' eir dad ün mievlin,
35 E chaunta pür in contentezza
Adüna lod al Bap divin.

O craja, figl! cha l' or nun detta,
Ne possa der felicited,
Scha tü nun hest ün' orma netta,
40 Ün cour implieu da charited;

Ün' orma, chi cun ela d' aungel
Sur mort e pcho bramess lossü;
Ün cour, il quêl a chi ho maungel
Surdò gugent sieu sopraprü!“

45 Et uossa vò, cha Dieu at chüra!
Üngün scu Dieu at chürerò.
A bun revair cun orma püra
U bain in tschêl, u bain accò!

All'Elvezia

Grand sarò l' univers, be ün atom in quel,
Mamma terra, sarost, bel e glüschaint però;
Rer asil d' üna rera
Glieud, chi mê nun bütschet il giuf.

5 Libramaing obedins be al regent suprem —
O' al Dieu dell' amur chi nun voless plaschair?
Quêl infaunt as revolta
Cunter sieu genitur benign?

… Be per chüra da nus ho charited tschanto
10 Spelma viva intuorn quaist paradis da pêsch.
Arda flamma celesta
Sün las tschimas da glatsch etern.

Tschierva, leivra, agnè tremblan al scruosch del tun,
Quaists immobels gigants rian d' orrur scodün;
15 Ferm, cha l' eco rimbomba.
Claman els: „resoluts, non tmè!“