Pagina:Decurtins - Rätoromanische chrestomathie, VIII.djvu/252

Da Wikisource.
Jump to navigation Jump to search




25 L' oraziun ais balsam,
Pêsch in la dolur;
Ella dun' all' orma
Forza e chalur.


[p. 21] Sül lej da Como.

Tranquil il lej. La glüna bella
Splendur' in mez del firmamaint,
Argenta villas, munt e sella
E bütsch 'il limpid elemaint.

5 Ün od' il sain dalöntsch chi duna:
„Adieu!“ al di chi ais spirò
Il barcharöl ün chaunt intuna
Cha' l cour sulet ho inspirò.

Inlumineda ais la riva,
10 E vita 'lo sco vi pel di,
Las villas brillan d' glüsch zuond viva,
Barchettas vaun da vih in vih.

Lo traunter rösas as fo via
Sco üna serp ün cler ovel,
15 E l' ajer rich ais d' armonia,
E transparent il blouv del tschel

[p. 22] Da quaunta pumpa Dieu dotaiva
E quaistas rivas quaist pajais!
Con l' art natüra s' adornaiva
20 Ün paradis fand co palais.

O quauntas villas, o grandezza!
O quaunts tesoris mantunòs!
O quaunta pumpa, o richezza,
Zardins da rösas profümôs.

25 Co ais tuot verd, e bell' ais Flora,
Ed in ma val: linzöl da mort!
Il vent apporta la trid' ora
Müggind nel god con trist accord!

La barcha tuocha bod la spuonda,