Pagina:Decurtins - Rätoromanische chrestomathie, VIII.djvu/251

Da Wikisource.
Jump to navigation Jump to search


[p. 9] Tuot passa!

Il solagl splendura,
Ma damaun non se
Sch' el con glüsch benigna …
Brillerò per me.

5 Coll' aurora bella
S' avrirô la flur,
Emettand dal calisch
Ün amabl' odur.

Chi po dir, scha eau
10 La vzarô s' avrir?
Ah, chi po cognuoscher
L' ura del morir?

Tuot ais transitori,
Terra, glüsch e mêr;
15 Tuot in puolvra crouda,
Tuot ho da glivrer.

[p. 10] Fragil' ais la vita,
Sco del aragnun
Fragil' ais la taila;
20 Tuot ais illussiun! …

Tuot svanesch'! Adoza
Vers il Tuotpussaunt
Nella disfortüna
Tieu aröv e chaunt!