Pagina:Decurtins - Rätoromanische chrestomathie, VIII.djvu/260

Da Wikisource.
Jump to navigation Jump to search


Nun hest pruvò il led chi svaglia,
10 Nel cour il cling d' ün ester sain?
Lontauna vusch d' ün cher somaglia,
Chi sur muntagnas a te vain!
Mê hest pruvò increschentüna?
Allur' cognuoscher nun post brich
15 L' amur, chi lia all' Engiadina,
Chi da bgers ans nun la vzet brich! …
1857.

[p. 31] … San Gian, sper Celerina.

Tranquil löet, eau t' am at vair la saira,
Tres pallids razs d' la glün' illuminò:
Eau t' am at vair al gnir d' la prümavaira,
Cur il godet da verd t' ho curunò.
5 Eau t' am at vair, cur cha l' utsché as pina …
A fabbricher sieu gnieu nel vegl clucher,
El porta vita aint in la rovina;
Da trills e chaunts fò l' ajer resuner.
Sü nell' otezza l' utschein dechaunta,
10 Algrezcha, vita ün durò avgnir;
E giò nell bass d' la mort la fotsch tagliainta
Pü d' üna flur tschunchet e fet melnir.
Staziun riainta d' pêsch ed armonia;
Eir eau sun staungel e voless poser!
15 Be pochas fluors avet la vita mia
E quaistas pochas gettan bod … s-chanter!
1877.


[p. 37] A ma mamma.

Daspö quatt'r ans tü posast, chera mamma,
Daspö quatt'r … ans nun od eau pü tieu pled!
Invaun mieu cour, invaun mi' orm' at clamma,
Nel spaz' immens as perd' il sbreg da led!
5 Desert il tet, deserta la chesetta,
Serrò il cudesch da divin favler;
Il baunch ais vöd e mütta la stüvetta,
Da quella chera, müt il dutsch tschantscher!