Pagina:Decurtins - Rätoromanische chrestomathie, VIII.djvu/264

Da Wikisource.
Jump to navigation Jump to search
254 Gian Fadri Caderas
[p. 59] La randolina.

(Suainter Lamartine.)

Perchè am s-chivast, randolina bella?
O vè, reposa l’ela sper a me!
D’ün cour chi t’ama oda la favella;
Sun pellegrin sco tü! . . . tar me, o vè!

5 Be il destin in quaist desert ans lia;
Nun tmair, tieu gnieu pür forma sper a me!
A tieu lamaint s’unescha l’orma mia;
Sun bandunò e tet patern nun he!

Est tü sco eau dal tet patern s-chatscheda?
10 La sort crudela t’ho colpid’usché?
Per te ma fnestra, chera ais pineda;
Sun exiliò, o vè, o vè tar me!

Per tieus pitins, chi temman la tschiera,
Nun hest tü launa per il gnieu tar me?
15 Tres mieu respir ils s-chodarò, ma chera,
Ma mamma pitschen am chüret usché.

Da Frauntscha vezzast tü cogiò la riva,
Quel tet amò chi s’ho aviert per me?
O port’alló ün ram da spraunza viva;
20 Eau sun, sco tü, ün miser, pov’r utsché!

[p. 60] Nun am complaundscher, scha la tirannia
Da mieu pajais serrò ho l’üsch per me!
Per rechatter da liberted la via.
Eau svuol al tschel, eau svuol a tschel con te!

15. November 1867.


[p. 64] Süsom ün munt otissem.

(Suainter: Heine.)

Süsom ün munt otissem
Sömgia ün pin sulet;
Ün fraid linzöl da glatscha
Cuntuorna il povret.

5 El sömgia d’üna palma,
Dalöntsch nel oriaint,
Suletta, trista, mütta
Süsom ün spelm arsaint.