Pagina:Decurtins - Rätoromanische chrestomathie, VIII.djvu/396

Da Wikisource.
Jump to navigation Jump to search
386 Caspar Bardola


E per cha nus quella non perdan our d' ögl,
Schi geiv' ün a saimper co' l spejel in man.
Passand tras citads, comünets e comüns,
Pajais e muntagnas, valadas e flüms
120 Tras gods e … bos-chaglia, tras tschepp e palüds,
Sur spelmas e gorgias, planüras e stips;
Soffrind, svess la famm e la sait e la sön
In tschercha quel „Nimbus“ dal qual vain tot bön
„Ingio ais da vera: Il raig sur ils
raigs,
125 Dal qual üna staila pertot fa palais“ — ?
„Ingio ais da verra, L' eroe dels tschels,
Ch' als grands della terra sun pür seis … s-chabels“ — ?
„Ingio ais da vera: Quel soinch personal.
Cha' l mond e sa gloria non ha seis congual“ — ?
130 Quist er il salüd e parola del di,
Il qual nus con zeli avain repeti
Pro ogni persuna cha' vain incontrà,
Ed ogni chamanna, löet u cita
Ingio nus passettan u stettan sur not;
135 Schi, eir indreschí nels contuorns dapertot,
In scolas, casernas, fabricas, chastels,
In tannas, tavernas, fortezz' e maschells;
Ma totta fadia e tot nos indschign
Non' vett ün success e füt saimper invann.
140 Pero, reflettand sün la stail' e seis girs, —
Dschet Chasper — amo non podain nus dar pers;
„Ingio la fortüna non ha favorì;
Qua ha la costanza a saimper supli“ — !
Baltisar: … Signuors! Que ais ura, ch' eir eu vegn a pled,
145 Uschgliö, qui frar Melcher vol requintar tot;
Eir eu era pro ed als poss declerar
Sur tot nos viadi, nos ir e tuornar: —
Nus gettan sün que spert tots trais a cusaigl,
Frar Chasper, hom scort, chi d' inrar fa ün sbaigl
150 Dschet: „Jebus, schi Jebus stovain visitar,
La grand chapitala stovain salüdar“. —
Qua ais la nöblia, Herodas il raig
Con üna chadaina chi finischa maj
E rotschas da pövel our tot ils pajais;
155 — Possibel, — cha là ais la chosa palais —