Pagina:Decurtins - Rätoromanische chrestomathie, VIII.djvu/397

Da Wikisource.
Jump to navigation Jump to search

L’Epiphania u l’appariziun 387

Invaun traversettan nus tantas citads
In Persia, in Syria — lung golfs e deserts,
Il Tygris e l’Euphrat nel Mesopotam,
Peräa, Samaria qui lung il Jordan,
160 Percio, eir Judäa stovain visitar
Ed ouravant Jebus volain salüdar.
Ils pleds da frar Chasper a tots plaschet bain.
Dimena, curaschi! dschet Melcher, schi giain —
E spert sco ’na frizza ans geiv’el il prüm,
165 Ch’in duos dids rivettan fingià al destin.
Che bel panorama ch’ins füt avant ögls!
L’immensa cità — con sas plazzas e bröls
Sün quatter colinas, in mez duos valluns,
Dal che, tot frar Chasper savett dir ils noms:
170 „Munt d’Acra, Morijah, Bezetha, Sion,
Con vall Josaphat e vall Ben u Hinom“—
Plü sun, sco strategics ils munts là vicin:
Olivas, Golgotha e’ ls munts d’Ephraim,
Con ultra las müras d’Agrippa; chastels
175 Con tuors e fortezzas, chi paran eterns.
Schabain, cha’ l descriver ans’ vess plaschü bain,
Tottüna surtrettan, dschand: Que non convain.
„Morijah, volain nus subit visitar
Nel taimpel del grand Salamon per urar.“—
180 Morijah, dschet Chasper vol dir per nos pled:
Il lö, chi sta’ l Segner, Jehov’il sulet.
Morijah ed Acra, las figlias vain dit,
Sion, qua la mamm’ais plazzada plü ot.
Bezetha, ais stat pür davo fabrichâ,
185 Perque, ün la nomna: „La nova cita.“—
Rivads uoss’al taimpel entrettan in quel,
Pompus edifici, plaschaivel e bel. —
Ils arcs e colonnas da ceder floudrà
E l’intagliatura con aur surdorà;
190 Paraits, cantorias las portas e’ ls bancs,
Medem our da ceder con aur taglià laint,
Utèrs e mobiglia con vass e baccinn
Complet tot massiv, our dad aur pür e fin.
Surprais d’ün tal luxo e tant ornamaint
195 Sortittan bainbod nus, lasupr’exclamand: