Pagina:Decurtins - Rätoromanische chrestomathie, VIII.djvu/414

Da Wikisource.
Jump to navigation Jump to search
404 Caspar Bardola

Chi tot investiva — in möd müravglius,
Cha nus in passand, pertot eran surprais
Da tanta richezz’e celest il pajais.
Ne vaira! Dschet Chasper, il mond ais tot bel,
830 Ma qui, vain dit: „Cula il lat e la mel.“
E tandem rivettan — da Jud’il pajais
In quella cità, ditta „Chüna dels raigs“—
Al pé del Hebron, la contrada del gran,
Chi porta perque il nom — „Chasa da pan“.
835 L’idyllic chantar da pasturs nels contuorns,
Atzett noss’uragli’ e nos ögl sün detaigls
Sur chosas, chi’ ns fevan quell impressiun,
Cha qui — svess materia exprimma raschun.
Usche, cha con zeli nus bain observand
840 Vezzettan qui chosas da plain sentimaint.
La statua da David plazà sü’ l portal,
Sper quella del doct mondial Samuel
Ressaintan grandezz’ed imponnen respet,
Sco’ l lö plü celeber — sün terra sulet.
845 Dall’harpa, cha David compagna seis psalms
Am para tot uossa, — ch’ün oda seis tuns,
Solens, penetrants sco dels angels choral,
Chi löng ultrapass’ad ün chant figural.
Ed our dalla statua del grand filosof
850 Sortivan ils tratts d’ün algrezi’ e d’ün far,
Chi fet sün tots trais nus medesim effet,
Sco füss quella viva, pro vögli’ e dalet. —
Usche, cha nus propi entrettan surprais,
Veziand il portal con mysteris defais.
855 E mera! La staila, chi’ ns geiv’ouravant
S’ fermet tot dandet a medesim momaint.
Chasper, Melcher e Baltisar:
Fermai frars! Clamet eu, laschai ans cusgliar,
Quists segns tots insembel stovain perscruttar;
860 Perche, — cur natüra ressainta respet,
Schi ais e sto esser — ailch sonch e perfet.

Chasper: E spert ans fermettan nus qua reflettand
La staila fermada nel ot firmamaint;
La quala, zond cler sün ’na grotte segnet
865 In pitschna distanza, da miser aspet.