Pagina:Decurtins - Rätoromanische chrestomathie, VIII.djvu/415

Da Wikisource.
Jump to navigation Jump to search


Qua sainza fanestras, ventil ne chamin,
Sco füss üna tanna, spelunc' u ovigl,
Sot aint üna spelma con miser üschet,
Al parri la terra — sulet e retratt. —
870 Surprais, admirettan nus: Che povertà,
Chi qui circondescha 'na celebrità;
Per quala, — „Materia mysteris mosset
E svess' üna staila qua porta respet“. —
E stant qui suspais nus, sur quist reflettand,
875 Udittan ün sunn glorius e potent,
Sco' l sunn da possauna, d' ün vent fortünus,
Chi perforet l' ajer preziss be sur nus
E vusch risonnante udittan favlar:
„Respetta mas vias e non criticar!
880 Vardà e güstia, bunta ed amur,
Non voll' e non bsögna externa splendur.“ —
Ed uossa crodettan in schnuoglias tots trais
Udind nus la vusch d' ün Suprem, — fand valair
Raschun, a censura da nos güdichar
885 Raschun, in defaisa da nos criticar. —
E larmas culevan a tots our dals ölgs,
Fluind sün la terra sco füssan auals,
Siand ressentivan nel cour, qua nos sbaigl
Sequî d' ün fallaber, superbi reguaigl,
890 Chi guarda „grandezza“ pür, cur cha intuorn
Ridonda eir pump' e favur — al extern.
E plains da rüglenscha clamettan nus tots,
Cha' ls munts ribombevan preziss pled per pled:
„Ach pover, ach pover, schi pover l' uman,
895 Chi guarda qua gloria, ingio chi ais vann;
Perduna Jehova, perduna nos sbaigls
Jehova perduna, — perduna nos falls!“ —
E mer'! In la grotte s' vezzeiva splendur,
Sco füss glüm ellectra con forz' e vigur,
900 Chi tras tot las sfessas … del üsch e del mür
Tras crapp' e tras spelma foreiva seis cler
Usche, cha l' inter tot pareiv' ün solai,
Chi cler penetress tras il nüvel e' l frai
Sur tot l' univers, sur la terr' e sur mar,
905 Sur pövels e sectas — ils cours per s-chodar. …