Pagina:Decurtins - Rätoromanische chrestomathie, VIII.djvu/564

Da Wikisource.
Jump to navigation Jump to search


Cha 'l term melvis in vece da melvisa ho rapport al pled antecedaint … utschè (vide prüma strofa), mo na direct a randolina, sarò facil da chapir, e sch' ün observa, cha suot spler vain eir inclet girun, schi admet eau què, scu ch' eau admet, cha p. ex. mür, saiv, mess etc. significhan duos oggets fich differents; mo ch' eau drova in Gallicius il term spler nel ultim senso, füss pü stupid, cu malign e cavillus d' interpreter . . .“ Co ch' el impero non admettaiva correcturas arbitrarias vi da seis prodots, relevain nus dal seguaint cas: In ün oter numer de Fögl 1) avaiva la redacziun inseri üna poesia da Pallioppi cul titel: il romauntsch ladin. Prontamaing 2) as fet udir nos poet colla seguainta Corrigenda.

„A mieus vers publichos nel Nr. 20 del Fögl d' Engiadina he eau premiss il titul: … Nos romauntsch, e bricha: … Il romauntsch ladin, scu cha la redacziun l' ho arbitrariamaing müdo. Nos romauntsch però (cioè quel dels vers questionabels, il dialect dell' Engiadina sur) et il romauntsch ladin non sun precisamaing l' istessa chosa (ladin ais nempe eir il dialect dell' Engiadina suot); perquè giavüsch eau, da restituir a predits vers lur titul primitiv. Meglinavaunt favorison ils tit. lectuors da ler „quel“ impè da „que“ nella prüma lingia del seguond vers; „dals“, na „dels“ nella seguonda lingia del novevel vers, e da terminer la seguonda lingia del tschinchevel vers con ün segn da rifless (—) in plazza d' ün semicolon (;), bramand eau almain in mieus modests prodots, da 'm tgnair allas normas ortograficas … da mia ovretta relativa.“

Ün oter exaimpel:

Ant co publichar la seguonda collecziun da poesias, inserit Pallioppi ün discret numer da quellas, sco ch' eu ha già menzionà süsopra, nel Fögl d' Engiadina, tanter oter eir ün sonet sün las Poesias umoristicas e populeras del Signur S. Caratsch, 3) nel qual el disch, ch' eir el,

„. . . al quêl be larma e sospir
Il satan e sa nona haun covieu,“
haja stovü rir irresistibelmaing, legiand las poesias da seis collega e veziand,
… co ch' el disch il bun e 'l nosch da tuots e tanter oters eir da quel
„. . . chi ais pü nar co
Tach.“

Nel medem numer del periodic romantsch avaiva recensà eir reverendo … Tramêr las poesias da nos umorist, e nel numer seguaint vain lura reverendo Kirchen a dir, cha la recensiun da Tramêr saja güsta ed adequata, … ma quella da Pallioppi afatta brich.

1) Fögl d' Engiadina, An 1864, Nr. 20. Plü tard det el a quaista poesia

il titel: Ün salüd our d' üs.

2) Fögl d' Engiadina, An 1864, Nr. 21.
3) Fögl d' Engiadina, An 1865, Nr. 24.