Pagina:Decurtins - Rätoromanische chrestomathie, VIII.djvu/567

Da Wikisource.
Jump to navigation Jump to search


seguonda collecziun da poesias romauntschas del Signur Landma. Zaccaria Pallioppi ais d' incuort apparida in stampa. Cognitamaing appertegnan … las poesias del prelodo autur traunter las megldras in nos idiom ladin. Perquè raccomandains eir quellas del seguond fascicul al Public romauntsch, giavüschand, cha l' instancabel cultivatur da nos dialect ladin vegna incorragieu e stimolo in sias relativas lodablas premuras e fadias . . .“ Evidaintamaing han chattà ils lectuors del Fögl, cha quaista recomandaziun … cuorta e sütta non correspuonda als merits del poet, e perque vain pac temp dopo il correspondent . . . g (probabelmaing magister T. Gredig, chi ais contschaint als lectuors dellas Annalas) con üna recensiun … plü detagliada. Ecco la quia 1): „In quaist inviern ais la literatura romauntscha gnida inrichida d' ün seguond opusculum da 59 paginas in octav da poesias, sortidas dalla penna del meritissem Signur President Z. Pallioppi. Medemmas consistan in granda part our da sonets, ils quêls dechauntan persunaliteds massimamaing … da nossa pü stretta patria grischuna nels seculs passos, las quelas, saja sün teater politic, … saja sün il terrain scientific o reformatoric haun acquisto istorica renomina e chi pür memma, melavita, sun quasi crudedas in smanchaunza tiers üna granda part della posterited. Dits sonets — üna versificaziun fin in uossa poch üsiteda nel romauntsch e chi preschainta sias bunas difficulteds — acquistan, ultra lur inquestionabla valur poetica, auncha pü pretsch per main versos nell' istoria tres las annotaziuns biograficas, … las quelas l' autur ho in fine aggiunt.

Tres l' inter' … ouvretta ventilan ideas vairamaing poeticas, las quelas l' erudit cultivadur da nos romauntsch ladin ho savieu vestir tres e tres in ün fich culant ritmus.

Referent abstrahescha d' ulteriuras recomandas da se our. Ils cognits sacrifizis e pardatemps, cha l' autur ho impiego daspö üna seria d' ans con success e sainz' esser rimunero per cultiver nossa lingua ladina, sco eir sias anteriuras prestaziuns sül champ litteraric, raccumandan sufficiaintamaing … prenomnos prodots poetics, ils quels tschertamaing üngün lectur nun metterò our d' maun sainz' esser agreabelmaing satisfat.“ Duos ans plü tard seguit il terz ed ultim fascicul da poesias e lasupra chattain nel Fögl suot il titel Las poesias da Pallioppi üna bella recensiun, ch' eu vögl reprodüer quasi in extenso 2): „Cun grand dalet“, scriva il recensent, chi 's firma C. e chi non m' ais contschaint, „avains nus in quaists bels dis da prümavaira let tres

1) Fögl d' Engiadina, An 1866, Nr. 22.
2) Fögl d' Engiadina, An 1868, Nr. 19.