 |
Questa pagina è stata trascritta e formattata, ma deve essere riletta. | |
| 45 | Stattut criminal |
| [f. 68v] | 64. |
Davart il zool.
Plunavaunt ais ordina, che quel il qual in nossa drattüra tschiarchiess da tour or damaun il zoll dals tray Tersals et per seis nütz tscharchiess da far pra[p]tgiass con noss uvaischs quel dess gnir chiastigar per 50: ∆ et pro quay esser totta sia vita scraffa.
65.
Davart üna lay chi veng insembel.
Melgsinauaunt ais ordina cura duos parssumas giuvnas vengnen insemel [f. 69r] in il stady dalla lay, schi dess il matt esser velg da 16: onss, è la matta 14: onss weglia, è cura ün hom o donna sa impachiessen da maridar uffaunts dun autter sainza savair: et volonta da seis vêlgs tals dessen gnir chiastigiats per 50: l’[£] daplü l’hom esser scraffa 3: onss.
66.
Davart fatschendas da lays.
Mêlgsinauaunt ais ordina cura chi foss da far per fatschendas da lays, schi des il Mastral clomar ils güraders et spirituals dadaint Crusch pro els et aint in quay fetschen quai chi sea güst è drett, è qua nun des il Mastral ne ils güraders hauair plü co 12 l’[£] al di per ün.
| [f. 69v] | 67. |
Darcheau davart lays.
Ittem ais ordina davart lay (ais ordina), cura che duos persunas havêssen da far intaunter [lauter] per in fat da lay, è chi fossen per ir a dret, è chi non haun 2: tapfras et wardaivles perdüttas schi nun dessi esser vallit.
68.
Davart dar vusch.
Ittem ais ordina che tuots quels chi stovan ir a far lavur da Comün et pagiar taglia quels pollan dar [f. 70r] lur wusch inpero schi fossen massa iuvens e chi nun vessen lur sentimaint: oder intellet schi dess ün avua: oder ün prossem amy overo la mama dar lur vusch mo plünauaunt ais tschunck orra.
69.
Un chi blastemma bap, mama, sor oder sörra.
Ittem ais ordina che ün chi blastemma bap o mamma, sör oder sörra, overo u schlögia ils salvas mal, a tals sa dess d’ sellusamaingk et sainza ingüna misericordia chiastigiar, saya via dalla vita, honnor: oder sun la roba soainter il fal o frâvel.
