 |
Questa pagina è stata trascritta e formattata, ma deve essere riletta. | |
| Historias dil munt sogn Gieri | 103 |
La matta ord il quolm siglida
10Lai spèrt plascher la patria nova,
Siu égl gl’emprem il tschiel salida,
Avon che ir sur grep e bova.
Salida cun égl clar la spunda,
Gl’uaul de pégns, che lunsch serasa,
15Ils vitgs giu ella val profunda,
Ils quolms dil Matg, ils praus de casa.
Sun sefermaus sper quella buola,
Hai plidentau la viandonta.
Mo ell’ha prescha, ei de fuola,
20Entscheiv’il tur el mund e conta:
„Il Segner ha mei mess sin via
E dau el cor grond desideri:
Sai buca star de compagnia,
Pér en la mar jeu pos star eri.“
Mia enfiarla.
Plantau jeu vevel in tscharscher
Sut casa en curtgin,
Spetgond d’haver in bi pumer
Sper mei sco bien vischin.
5L’enfiarla steva grad sidretg
Haveva in bi tschupi;
Mes égls miravan cun deletg
Mintg’onn sils roms fluri.
La biala plont’er’in maletg
10Ded ina matt’en flur . . .
Mo donn ch’ell’ei empau anetg
Carschida el Zercladur.
Plirs onns ell’ha perfin porschiu
A mi engraziament;
15Cul maun ils fretgs jeu hai tonschiu,
Regals de stad bugient.
Mo lu vonzei, miu bi tscharscher
Entscheiv’a pusignar . . .
El trai gia anavos, pilver —
20Il schit ei sin schigiar!
