 |
Questa pagina è ancora da trascrivere o è incompleta. | |
Egl jester.
(Nach Annalas, S. 222, 1898.)
Sundel jus en tiara jastra cun curasch’ e legherment,
E vesevel la ventira schon da lunsch a mi riend.
Mo cun larmas sin la vesta mir’ jeu ussa sur la mar:
Patria, patria, tei egl jester hai empriu de carezar!
5 Tgei, ventira, tgei carezia, ha tschels ons a mi leu ris,
Nu’ ch’ jeu hai semiau il siemi de mes leghers giuvens dis!
Oh, co stoiel uss, co stoiel senza tschess uss patertgar
Vid la patria ch’ jeu egl jester hai empriu de carezar!
Jeu pertratg vid mes de casa, vid las bassas ed ils aults,
10Vid ils muvels e las pradas, vid ils lacs ed ils uauls,
Vid las neivs e l’ aria fina, vid il Rein, il tschiel schi clar:
Cara patria, tei egl jester hai empriu de carezar!
Ach, jeu vesel aunc l’ aurora sin las pezzas, sils glatschès,
Ach, jeu audel aunc las tibas dallas alps e dals misès —
15Ed in mal, in mal sgarscheivel sa miu pauper pèz cargar
Per la patria, ch’ jeu egl jester hai empriu de carezar!
Tgei sa bein igl jester porscher ad in pauper montagnard?
La ventir’ en las montognas stoi anflar er’ bauld ne tard.
E sch’ jeu, vessel alas, sur la mar schon less sgolar
20En la patria, ch’ jeu egl jester hai empriu de carezar!
Patria, dai a mi, jeu roghel, sch’ jeu da tei aunc sundel digns,
In suttetg en las montognas, in suttetg ch’ ei aunc schi pigns:
Vesas grossas cauldas larmas dalla vest’ a mi roclar?
Cara patria, tei egl jester hai empriu de carezar!
Ina sera de stad.
(Nach Annalas, S. 223, 1898.)
Il terlischont solegl ei stézs,
Tut en umbriva schain ils pézs.
Mo ina nebl’ el fiug stuliu
Brisch’ aunc adina sc’ in burniu:
5 Ave Maria!
Ils muvels aud’ ins bein e clar
Aunc dallas alps a bransinar,
La tiba sun’ in paster prest
Aunc dalla vall giu sin in crest:
10Ave Maria!
Da la campagna, la lavur,
A casa tuorn’ il steunchel pur:
Turnond, el aud’ aunc co’ ls utschals
Repetan lur davos chorals:
15Ave Maria!
Las steilas vegnan a sbrinzlond El firmament schon neunavont:
Ruaus festiv, ruaus profund,
Cuviera gleiti tut il mund:
Ave Maria!
