 |
Questa pagina è ancora da trascrivere o è incompleta. | |
Ragners. (Nach Annalas, S. 175, 1911.)
O, ei dat da tutta schenta,
Che s’ engrascha, se viventa
Sillas crustas, sillas costas,
Ch’ ella anfla bein dispostas;
5 Tschetschan vi dad jastras tettas
Ruasseivel sco las metas.
Ina gada ferm gnivadas
Vegnan ellas ves scatschadas.
Sescuflentan, sesbargatan,
10Sillas combas d’ auters stattan,
Fan al giavel, sch’ el pretenda
Il maloss pella marenda.
Vendan vi lur saun giudeci,
Vegnan sclavs per mintga preci,
15Storschan lur cavez, totona
Scols glimaris en camona.
Fui e tema tala schenta
Ed impunda pintga stenta;
Ell’ ei ge per tuts venala,
20Mussa mo la fatscha biala.
Volva sco ti vul gasacca
E cul suffel la barlacca,
Ur’ e sgiavl’ ord convenientscha
Per contonscher suatientscha.
25O, sche marscha buc en retscha
Ti silmeins e per sapetscha
Tala refla senza vaglia,
Ch’ ella mondi tut en paglia.
Miu affon.
(Nach Annalas, S. 175, 1911.)
Vid l’ egliada frestga, clara
Stoi adina se legrar;
Il maletg, che leu compara
Tgei ha quel bein de muntar?
5 L’ innocenza casta, biala
Schai affuns êgl egl carin,
Flada forza celestiala,
Enconnuscha nuot cumin.
Hai pil petschen tonta stenta,
10Hai per el giu tonts quitaus;
In ’egliada mei contenta
E cun quella sun pagaus.
O, ti cara creatira,
Dieus conservi po a ti!
15Quell’ egliada da ventira,
L’ innocenza cul tschupi.
Ad in materialist.
(Nach Annalas, S. 176, 1911.)
Tgei vul cantar, pign cantadur
Merlotscha dellas caglias?
Tiu cantinem ha pauc valur,
Oz tilan mo las vaglias.
5 Tgei fretgan bein empau canzuns
E tias poesias?
In um d’ engrau sto ver maluns,
Honurs e misterlias.
