Pagina:Goldoni - Opere complete, Venezia 1913, XVI.djvu/171

Da Wikisource.
Vai alla navigazione Vai alla ricerca

LE MORBINOSE 165
Per dir la verità, el me piase sto sior,

El gh’ha certe parole che bisega1 in tel cuor.
Bettina mo credeva d’averlo chiappà in rede;
So danno; ala sentìo? Ste cosse le se vede.
L’ha ditto che ghe piaso, che ela xe una fraschetta.
Gh’ho gusto per Bettina, ma anca più per Lucietta.
Vôi farghe veder mi, chi son e chi no son.
Ma po come sarala, se casco a tombolon?
Semo da maridar. Donca se poderia,
Se el disesse dasseno... Ma se no so chi el sia.
Oh m’ho intrigà pur mal. Povera zoventù!
Quando che se scemenza, no se ghe pensa su.
Coi omeni burlando, se fa de sti vadagni,
E el morbin coll’amor va zo per i calcagni2. (parte)

Fine dell’Atto Terzo.


  1. Bisegar, frugare, stuzzicare, andar al cuore: II, 133 e 159; IV, 40; XII, 167 ecc. V. Patriarchi e Boerio.
  2. «Si dimentica, viene a noia»: II, 422.