 |
Questa pagina è stata trascritta, formattata e riletta. | |
| 46 | ATTO PRIMO |
SCENA X.
Simon e detti.
Simon. Marina. (bruscamente)
Marina. Sior.
Simon. (Cossa xe sto baccan? Cossa vorli qua? Chi xelo colù?) (accenna Riccardo)
Felice. Oh, sior Simon, la reverisso.
Simon. Patrona. (a Felice) Ah? (a Marina)
Felice. Semo vegnui a farve una visita.
Simon. A chi?
Felice. A vu. Nevvero, sior Cancian?
Canciano. Siora sì. (a mezza bocca)
Simon. Andè via de qua, vu. (a Marina)
Marina. Volè che usa una mala creanza?
Simon. Lasseme el pensier a mi, andè via de qua.
Felice. Via, Marina, obbedìlo vostro mario: anca mi, vede, co sior Cancian me dise una cossa, la fazzo subito.
Marina. Brava, brava, ho capìo. Patroni.
Riccardo. Umilissima riverenza. (a Marina)
Simon. Patron. (ironico al Conte)
Marina. Serva sua. (fa la riverenza al Conte)
Simon. Patrona. (contrafà la riverenza)
Marina. (Taso, perchè, perchè: ma sta vita no la voggio far). (parte)
Simon. Chi èlo sto sior? (a Felice)
Felice. Domandeghelo a mio mario.
Riccardo. Se volete saper chi sono, ve lo dirò io, senza che fatichiate per domandarlo. Io sono il conte Riccardo degli Arcolai, cavaliere d’Abruzzo; son amico del signor Canciano, e buon servidore della signora Felice.
Simon. E vu lassè praticar vostra muggier co sta sorte de cai?a (a Canciano)
- ↑ Con questa sorta di gente.
