Pagina:Goldoni - Opere complete, Venezia 1922, XXI.djvu/400

Da Wikisource.
Jump to navigation Jump to search



magnar un boccon a strangolon (’\ e po’ piantarme qua fin) a negra notte.

Riosa. Ma almanco la sera el vien a casa a bonora, el sta qua con ella...

Tonina. La sarave bella che noi vegnisse gnanca la sera.

Riosa. Oh, cara siora, quanti ghe n’ è...

Tonina. Quanti ghe n’è, quanti ghe n’è... (con forza, interrompendola)

Riosa. La me lassa dir ; elo no gh’ ha casin...

Tonina. No ghe mancarave altro.

Riosa. Noi zoga...

Tonina. Sì, xe vero ; noi cognosse gnanca le carte.

Riosa. Noi gh’ ha pratiche... se la m’ intende...

Tonina. Oh in questo pò, no so gnente.

Riosa. Gh’ala qualche suspetto ?

Tonina. Xe qualche tempo che gh’ho sto balin (a).

Riosa. Ma con che fondamento ? El xe tutto el zomo fora de casa.

Tonina. Cossa sogio mi ? I omeni, co i s’ ha messo el tabano e el cappello, vattela a pesca dove che i va.

Riosa. Oh co no la gh’ ha altro fondamento che questo...

Tonina. Che altro fondamento voleu che gh’abbia ?

Riosa. Che sogio mi ? Credeva che la savesse qualcossa.

Tonina. Che savesse qualcossa ? De dia, se fosse sicura de gnente, poveretto èlo. Ch’el varda ben... che l’ara dretto (h), perchè son fia de mia siora mare.

Riosa. Vèdela, cara siora patrona. La me compatissa : la se scalda per gnente.

Tonina. Oh in ste cosse son delicata.

Riosa. La gh’ ha rason, per questo la gh’ ha rason ; ma la me compatissa, xe el ben che me fa parlar...

Tonina. E mi xe el ben che qualche volta me fa andar in collera con mio mario.

Riosa. Qualche volta la dise! (a) Sospetto, (è) Arar dritto, per metafora, condursi bene. (]) "Con somma fretta ": Cameroni, in Capolavori di C. C, cit.