Pagina:Goldoni - Opere complete, Venezia 1922, XXI.djvu/431

Da Wikisource.
Jump to navigation Jump to search


SCENA V.

Lissandro e detti.

Lissandro. Patroni reveriti.

Cattina. E cussi ? Vienli, o no vienli ?

Lissandro. I vegnirà.

Cattina. Dove diavolo xeli ficcai stamattina ?

Lissandro. Che dirò : sior Gasparo xe da sior Bernardin Zoccoletti per un negozio de canevi, che se el ghe va ben, el va a rischio de vadagnar almanco un mier de ducati, in tre o quattro zorni.

Cecilia. e cossa gh’ intra siora Tonina ?

Lissandro. Siora Tonina ? La xe una donetta che vai un milion. Sti marcanti che gh’ ha sto canevo da dar via, i gh’ha bisogno de bezzi, ghe voi do mille ducati a la man, e siora Tonina s’ ha cava le zoggie ’’), e tanto che so mario contratta, la xe andada a trovar i bezzi.

Raimondo. Per cossa no eia vgnù da mi, che a gh li averia dadi senza un interess al mond?

Bortolo. Ma in sostanza, vegnirali, o no vegnirali ?

Lissandro. I vegnirà.

Zanetto. Sentemose a tola ^^\ che i vegnirà.

Raimondo. Oh sgnor Zannett, cossa disia ? Senza i patron de cà ? L’am perdona, saravla una bella creanza?

Zanetto. La creanza xe bella e bona, ma mi gh’ ho una fame che no ghe vedo.

Lissandro. E el negozio va lungo, e Dio sa quando che i vegnirà.

Lucietta. (Oh mi dobotto (^) chiappo su, e vago via), (da sè)

Raimondo. Ma coss’ ha ditt el sior Gaspar ?

Lissandro. Sior Gasparo gh’ha el mazor travaggio (’’) del mondo, ma el sa che l’ ha da far con de le persone che ghe voi ben, che no ghe vorrà far perder sta bona occasion, e el li prega, e el li supplica, el li sconzura de sentarse a tola, e de principiar. (I) Si levò i gioielli. (2) Sediamo a tavola. (3) Quasi quasi. Più comune Jebollo. (4) Pena, dispiacere.