Pagina:Goldoni - Opere complete, Venezia 1922, XXI.djvu/464

Da Wikisource.
Jump to navigation Jump to search


Tonina. Vardè che stramba ! L’averà lassa ella la porta averta. (Se posso, me vói divertir con sto cortesan). (da se, e va a chiuder la porta ^ ’)

Lissandro. Xe mo che, per dirghe la verità, giera vegnìi giusto per parlar con Riosa.

Tonina. Dasseno ? Cossa voleu da ella ?

Lissandro. Ghe dirò... Me sta sul cuor la mia roba, voleva do- mandarghe se a caso la l’avesse trovada, se la l’avesse messa via in qualche logo...

Tonina. Oh sior no, ve l’ assicuro mi che no l’ ha trova gnente. Se la l’avesse trovada, figureve, la me l’averave dito.

Lissandro. Bisogna donca che sior Gasparo l’abbia avuda eie.

Tonina. Via, via, no v’ inquiete ; se el la gh’ averà elo, el ve la darà.

Lissandro. Noi xe gnancora vegnìi sior Gasparo (^^ ?)

Tonina. Gnancora.

Lissandro. (Vorave andar, vorave restar). (da sè)

Tonina. Aspettalo, ch’ el poi star poco a vegnir.

Lissandro. Me despiase... No vorria... (No so quala far), (da sè)

Tonina. (El gh’ ha paura d’esser scoverto, bisogna procurar de) fidarlo ’^^). (da sè) Sior Lissandro, savè de quel disnar che s’ ha fatto qua stamattina ?

Lissandro. Che disnar? (ridendo)

Tonina. Oh via; cossa serve? So che sè sta anca vu a sto disnar.

Lissandro. Anca mi ghe son sta ? (ridendo)

Tonina. Sì, lo so de seguro.

Lissandro. Co la lo sa donca....

Tonina. Sentì, no xe sta miga mio mario, savè, che 1 ha fatto far sto disnar.

Lissandro. No? (con affettazione)

Tonina. Oh giusto ! gnanca per immaginazion.

Lissandro. Mo chi donca ? (con maraviglia affettata) (I) Neil’ ed. Zatla questa didascalia precede la parentesi. (2) In questa scena, e in quelle che seguono, nell’ed. Zatta si trova stampato per lo più Caspero. (3) Rassicurarlo.