 |
Questa pagina è stata trascritta ma deve essere formattata o controllata. | |
le vostre ree overe". Moizes fe la leze e lo canticho davanti tuto lo povo, e lo canticho incomenssa cossì: "Audi ociozo che parlo a letera, odi le parolle de la mea bocha, cressa como paga la mea dotrina, descora lo mé parlá como rozá, dai grandessa a lo nostro segnor Dee, le overe de Dee su preffete, tute le soe vie sum iuste". E quando Moizes ave conpio lo canticho e ameistrà de so li figij d'Issael, lo nostro segnor Dee disse a Moizes: "E l'e tenpo che ti te recogij a lo pastor e, inpersochè ti non m'onorasti a le aigoe de contradiciom, ti non menerai li figij d'Issael in terra de promisiom". Or morì Moizes e si restà Ioxue sorve lo povo, e non fo mai homo sorve la terra chi poisse trová la sepotura de Moizes, inpersochè lo nostro segnor Dee si lo sepelì in lo monte Tabor.
Chì se contèm como li figij d'Issael nassèm de li XII figij che ave Iacob.
assèm li figij d'Issael de doze figij de Iacob e fon faiti de quelli XII tribu e elli se partìm e passàm per lo ma Rosso e stem in lo dezerto IIII- agni mangando mana che ihoveiva da sé, e con tuto so elli brondoravam senper incontra lo nostro segnor Dee. Or retornemo aora a la generaciom e si veiremo como li Zué cruciffam[sic] lo nostro segnor Dee messé Ihu. Xe. Lo cointo de l'ano segondo l'ebraicho dapoa che lo nostro segnor Dee formà lo cel e la terra tan fin che morì Ioxep si fo II M. CCC X agni.
Iacob ave um figio chi ave nome Iuda, e questo fo mao in la generaciom inpersochè l'ave lo mao re questo. Iuda ave doi figij de soa mogié chi ave nome Tamar e li soi figij avem nome Fares e Razarcon. Fares ave um figio chi ave nome Efrem, e questo Efrem ave um figio chi ave nome Aron. Aron ave um figio chi ave nome Aminadab, e questo Aminadab fo cugnao de li figij d'Issael quando elli inssìm de Egito. E stagando in lo dezerto o l'ave um figio chi ave nome Saramon. E questo Saramon ave per mogié la figia de lo re de Gerico e ave um figio chi ave nome Beoz. E questo Beoz preize per mogié Rebem, e questa Rebem ave um figio chi ave nome Uber. E Uber ave um figio chi ave nome Iexe, e si fo paire de Davit, lo qua fo re sorve lo povo d'Issael, cossì como voi porei odí. Voi avei odío de sorva como, dapoi la morte de Moizes, si fo sorve lo povo d'Issael Ioxue chi li menà in terra de promissiom, e dapoi che Ioxue fo morto, depoí lo tenpo, si romazem li figij d'Issael in vertue de Samaul proffeta, e in questo tenpo si fo eleto Saul per ree de li Zué, como voi odirei apresso.
Chì se contèm como Samaul proffeta romaze sorve lo povo d'Issael e como e vossem ree.
e coinnta1 in li liberi de li re che Samaul proffeta ave' doi figij, de li que' lo mao ave' nome Ioxep e l'atro Abram, lo qua o li fe tuti doi zuxi sover lo povo, e dapoi che Samaul fo vegio, soi figij non tegnem drita via, e cressèm inter lor invea, e preizem inseme grose parolle per um zogo che elli favam.
Or levasse li maoi de lo povo e vegnem a Samaul e ge dissem: "Samaul, ti é vegio e si n'ai daito li toi figij per zuxi, li quai non teñem[sic] la toa via e incomenssam a avei invea per li lor zogi, per che e te pregemo che ti ne dagi um re chi ne norige e reze segondo che am tute le atre gente". E quando Samaul inteize so, si fo monto desperao e disse a lo nostro segnor Dee: "Lo povo me dixem che elli vorem avei re". Disse lo nostro segnor Dee a Samaul: "Lo povo non è a ti per norigá, anti, è a mi, e quando i dixem che i vorem re chi li reze, se ti g'avessi dicto: E non ve aregordai anchon lo segnó Dee ve trè de Egito de quelle grande servitudem? O vatene a ló e dige che elli non vogiem avei re, e dage a intende lo dricto de li re". Or Samal[sic] se ne ze a lo povo e si ge disse: "Baroim, non vogiai avei re sorve voi mesmi, fasandove a savei che ello ve meterà in grande servitudem e si ve dirò lo dricto de li re chi segnorezam sorve noi atri, che ello prenderà li vostri figij e meterali in la cavalaria de la lor masná, e l'atro o lo farà gia de le lor bestie, atri de la soa caza, atri de li soi canpi, atri farà segnor de li lor canpi, atri frobiràm li lor cavalli e faramli eser lor schudé, e atr'e ta farà a le vostre figie, che farà una donzella de la soa mogié e de la soa nora, e l'atra
- ↑ o coninta
