Pagina:Pinochio.djvu/120

Da Wikisource.

- Suposo...
- Ben, palpa mo a vede se par cajo ei ra fiora.
Dapo de i ae palpa el polso co ra zata dreta, ra marmota r a sospira e ra i a dito a Pinochio:
- Amigo, me do ae da te da na mala noa!...
- Che sarae...
- T as propio na gran burta fiora!...
- E cara saraelo?
- Sarae ra fiora del muse.
- No sei ce che l e! - l i a respondu el buratin, che l aea outro che capi ce fiora che l aea.
- Alora te l digo io - r a ’sonta ra marmota. Sepe che ca de do o tre ores no te saras pi ne un buratin ne un pizo...
- E ce deente?
- Ca de do o tre ores te deentaras un muse, propio come chi che tira i carete e i porta capuze e salata al merca.
- Oh! Poereto me! Poereto me! - el craiaa Pinochio, e l se tiraa ra rees e l vorea se res sbrea fora co na fota che parea che no fosse pi ra soes.
- Pizo me - r a dito ra marmota par el consola - ce vosto fei? El mondo el va de sto ver. L e scrito inze inze l Libro de ra Sapienza, che dute i pize malindurade che i da del nas ai libre, a ra scores e ai maestre e i straza ra ’sornades a puparla e fei jeste, va a feni che un di o l outro i deenta biei muse.
- Ma el mondo valo propio duto cosci? - l a damanda el buratin in lagremes.
-Re proprio cosci! Ades, sgnoufa no ’soa nuia. Te dees i pensa sora ignante.
- Ma io no n ei colpa: ra colpa, credeme, marmota, r e duta de Paero!...
- E ci saraelo, sto Paero?

120


120