 |
Questa pagina è ancora da trascrivere o è incompleta. | |
recordarei de Vos fin che vivo. Solo che, paron, ae fato i conte zenza
ra Fatazina...
- E ci saraelo, sta Fatazina?
- L e me mare, e ra i somea a duta chera bona mares, che es i vo un
gran ben ai so fioi, es no i perde mai de ocio e es i sta pede inze ra
desgrazies, anche canche ste pize, par ra so malagrazies e i so
pecade, i meritarae de esse lasciade la, che i se ranje. Dijee che ra
Fatazina, canche r a vedu che ris-ciae de me sofea, ra m a manda
alolo intorno un rodol de pescete, che i cardea che fosse beleche
morto e i a scomenza a me taza via sbrindui de carne de ogni ver. E
ce taza!.. No n arae mai cardu che i pesc i fosse pi infamentade de ra
famea!... Ci me tazaa via ra rees, ci el mus, ci ra petorina e ci ra
crigna, ci ra pel de ra zates, ci i pele su ra schena... e, inze meso
dute chi pesc, un pizo pizo l abu finamai ra creanza de me taza via
ra coda.
- Da ca inaante - l a dito chel on, che a scota Pinochio el s aea deboto
spasema, - te ’suro che no zercarei mai pi un pesc. Me despiajarae
taia par meso na trilia o un nasel frito e ciata inze ra coda de un
muse!
- Anche io ra penso come vos - l a dito el buratin, che l riduzaa.
- Par de pi, ae da sae che canche i pesc i m a magna via duta ra pel
da muse che ra me cuersea da ra testa fin sui zocui, i e ruade, par
forza, sul os... o meo, i e ruade sul len, parceche, cemodo che pode
vede, son fato duto de len duro. Chi infamentade de chi pesc i a taza
nafre ca e nafre la e i s a inacorto alolo che l len no n ea fato par i so
dentes. I s a tanto ingrizora de chel che i aea magna, che i se r a
mocada zenza gnanche se volta a me di gramarze. Ades v ei conta
cemodo che vos, canche ae tira su l funazo, inveze de un muse morto
ae ciata un buratin vivo.
135
| 135 |
