- Sta osc ra conoscio! Tu te sos Pinochio!...
- Sci zerto: e tu?
- Iò son el Ton: seon dute doi insieme inze inze ra panza del Pescion.
- E cemodo asto fato a scanpa?
- Ei fato conpaign de te. Te m as insegna agno ’si, e dapo de te son
scanpa anche io.
- Ton me, te capites proprio polito! Te preo, par duto l ben che t i vos
ai to fioi, dieme, che sedeno da ca no vienon pi fora.
- Vorentiera, con duto l cuore. Tacave pura dute doi inze ra me coda,
e lascia che ve tire io. Inze cuatro menute ve meno la dal lido.
Pode ve pensa: Bepeto e Pinochio i a azeta de bon sao, solo che,
inveze de se taca inze inze ra coda, i a pensa che l ea meo se scenta
su a caaloto del pesc.
- Pesone massa? - l i a damanda Pinochio.
- Pesa? Gnanche par insogno, me par de ae sora doa cogoia voites - 1
i a respondu el Ton, che l ea cosci stagno che someaa un vedeluco de
doi ane. Na ota made sul lido, Pinochio l e souta ’so par prin, par dia
sa pare, el s a volta ves el Ton e l i a dito, duto ingropa:
- Amigo me, t as salva me pare! No sei cemodo te di gramarze!
Lascia almanco che te busce, parceche son obliga con te fin che
vivo!...
El Ton l a betu el mus fora de r aga, Pinochio el s a insonea ’so sul
lido e l i a da un gran bajo sul mus. Chel por Ton el no n ea tanto usa
a ste jeste; l ea cosci ingropa, che l se vargognaa de se fei vede in
lagremes come un pizeto. Cosci, el s a tira alolo sote aga e l sin e ’su
in prescia.
Intanto l ea vienu di.
Pinochio l i a da l brazo a Bepeto, che el no stajea deboto pi in pes, e 1
i a dito: