- Gramarze! Besen me conpati anche me parceche, te l pos vede
anche tu, no n ei pi legnes par rosti chel asco, e, digo ra ’erita, te m
araes propio comoda! Ma oramai te m as fato peca e vo esse
passienza. Inveze de te, biciarei inze fo calche buratin dei miei. Alo,
jandarmes!
In chera, l e rua alolo doi jandarmes de len, longhe longhe e magre
come becales, con un ciapel sun testa che someaa un faral e ra
sciabela inze man.
El paron l i a dito, co ra osc de un che l tira i ultime:
- Ciapa Arlechino, lealo ben polito e bicialo inze fo. Voi che el me
asco el fenisce de se rosti!
Pensave chel por Arlechino! El s a tanto spasema, che i a finamai
mancia ra janbes e l sin e toma in azidente.
Pinochio, a vede el so por amigo, l e coresc piansen a suplica l paron:
1 i a inbianda co ra lagremes dute i pele de chera barbata e l i a dito
co na ojeta che fejea peca:
- Ve preo, sede un bon, scior Magnafo!
-Canone sciore! - l i a respondu el paron duto stiza.
- Ve preo, sede un bon, scior caalier!
- Ca no n e caaliere!
- Ve preo, sede un bon, scior conte!
-Canone contes!
- Ve preo, sede un bon, Ezelenza!
A se senti ciama Ezelenza, el paron dei buratis l a canbia alolo ziera:
duto inze un colpo l e deenta pi mestego e l i a dito a Pinochio:
- Donca, ce vosto da mi?
- Ve damando solo che lasciade in pasc chel por Arlechino!...
- Ca no n e negun da lascia in pasc. Se t ei lascia in pasc te, besen che
bice inze fo el, parceche voi che el me asco el se rostisce polito!
31