Questa pagina è ancora da trascrivere o è incompleta. |
Capitolo 12
Magnafo, paron dei buratis, el i da zinche monedes de oro a Pinochio parceche I i res porte a sa pare Bepeto, e inveze Pinochio el se lascia inbroia da ra Volpe e dal Jato el va con lore
El di dapo Magnafo l a ciama da na banda Pinochio e l i a
damanda:
- Ce alo gnon ta pare?
- Bepeto.
- E ce fejelo de mestier?
- El poereto.
- E ciapelo tanto?
- El ciapa chel tanto che i vo esse par no n ae mai un cru inze
scarsela. Pensave che par me cronpa l Abeze par ’si a scora, l a abu
da se vende ra fanela che l aea inze daos: na fanela che, intra mendes
e tacoi, r ea propio na straza.
- Por diou! El me fesc deboto peca. Tio ca, zinche monedes de oro.
Va alolo a i res porta e saludelo tanto.
Te pos crede! Pinochio el i a dito gramarze mile al paron: l a
inbrazora, un par un, dute i buratis de ra Conpagnia, anche i
jandarmes, e l s a betu in viaso beato, par sin torna a ciasa.
El no n aea fato gnanche zinchezento metre che l a ciata inze meso
strada na volpe zota da na janba e un jato orbo de dute doi i oce, che
i tandarlaa pomade un su par chel outro, come doi amighe che se
partisce ra desgrazies.
Ra Volpe ra zotignaa poiada su par el Jato: el Jato, che l ea orbo
patoco, el se lasciaa mena da ra Volpe.
- Bon di, Pinochio - l a dito ra Volpe, piena de creanza.
- Cemodo sasto ce che ei gnon? - l a damanda el buratin.
33
33 |