Pensave ce mal che l e resta canche, inveze de na man, el s a
inacorto de ae sbuta fora na zata de jato.
Torna in ca da ra scoutrida, Pinochio el s a delibera de oga da ra
sgrinfes dei sassis, l e souta via par sora ra cejures e l se r a mocada
fora par ra canpagna. I sassis i corea senpre daos, come cei drio un
lioro, e chel che l aea pardu na zata el corea con cher outra, e no se
capisce cemodo che l podesse fei.
Dapo de ae coresc par Chinese chilometre a ra longa, Pinochio el no
in podea propio pi. El no saea cemodo se ra caa, e cosci l s a tira su in
son del pezuo pi outo e l s a cuza ’so intra i rame. I sassis i a proa a
’si su anche lore ma, made a meso del brascion, i e sleziade ’so e i e
made ’sobas, co ra mas e i pes dute sgrinfade.
No n ea assei par lascia via: i a conbia un brazo de legnes sote 1
brascion e i a taca fo. Inze un vede e no ede, el brascion l a scomenza
a arde come na ciandera sgorlada dal vento. Pinochio el s a inacorto
che el fo el vienia senpre pi in su; el no vorea fei na burta fin inze
meso ra fiames, e cosci l e souta ’so dal pezuo e l s a betu danoo a
core, inze par intra ra piantes. E i sassis drio, senpre drio de el, zenza
mai zede.
Intanto, scomenzaa a vieni di e chi tre i se corea senpre drio, fin che
Pinochio l a abu de se ferma daante un caneo largo, fondo e pien de
aga sporca che someaa cafe da late. Ce aeelo da fei? "Un, doi, tre!" 1
a craia: l a ciapa oga e l e souta via del outro ver. I sassis i a souta
anche lore, ma i no n aea ciapa oga polito e patatunfete!..., i e
pionbade ’so inze l caneo. Pinochio l a sentu ben el colpo e r aga che
schizaa su; fin che el scanpaa, senpre riden el i a craia ’so a chi doi
scarognade: - Stajevin nafre in bian, sciore sassis.
El cardea che i s aesse beleche sofea, ma canche el s a volta par vede,
el s a inacorto che i corea danoo drio de el, senpre infagotade inze i
so sache e bagnade come pitusc.
44
