Pagina:Pinochio.djvu/43

Da Wikisource.

E po l a proa a scanpa. Ma l no n aea fato gnanche doi pasc, che l s a sentu brinca par i braze, e doa burta ojates che es i craiaa:
- Fora i sode o te copon!
Pinochio, che l no podea i responde parceche l aea ra monedes inze bocia, l a i fato ra beles e ra bones e un grim de muse, par i da da intende a chi doi (el vedea solo i oce, inze par i buje dei sache), che 1 ea un por buratin, e inze scarsela el no n aea gnanche un cm.
- Via, via! Manco ciacoles e fora i sode! - i l a manaza i sassis.
Pinochio l i fejea demoto co ra testa e co ra mas, come par di "No n ei un cru".
- Tira fora chi sode o te copon - l i a dito chel pi outo.
- Te copon! - l a ’sonta chel outro.
- E dapo de te, copon anche ta pare!
- Anche ta pare!
- No, no, no, el me por pare no! - l a craia Pinochio despera; a craia, ra monedes es i sonarlaa inze bocia.
- Ah lasaron! Donca, te t as scondu i sode sote ra lenga! Sbuti fora alolo!
E Pinochio, nuia!
- Ah, no te sentes da chera rea! Peta mo, che proon nosoutre a t i fei sbuta fora!
Un dei doi l a ciapa inze l buratin par ra ponta del nas e chel outro el 1 a ciapa par el copin, e i a scomenza a sgorla zenza riguardo, un da una e un da r outra, fin che i a fato spalanca ra bocia, ma none sta nuia da fei. Ra bocia del buratin ra someaa cojida con firo da caligaro.
In chera, el sassin pi pizo l a tira fora un marsango e l a proa a i lo fraca inze bocia, par fei lea e i ra daerse, ma Pinochio, sbelto come un jato, l i a taza forte na man, lira destacada del duto e el r a sbutada fora.
43


43